អាល្លឺម៉ង់៖ យោងតាមអ្នកសារព័ត៌មានជនជាតិតួកគីម្នាក់ឈ្មោះ Ekrem Konur បានបង្ហើបឲ្យដឹងថា ក្លិប Bayern Munich បានបញ្ចុះបញ្ចូលឲ្យ ខ្សែបម្រើ Georginio Wijnaldum នៃក្លិបហង្សក្រហម Liverpool មកចូលរួមជាមួយ បន្ទាប់ពីភ្នាក់ងាររបស់កីឡាកររូបនេះថា Wijnaldum បើកចិត្តទទួលសំណើពី Bayern Munich ដែរ។
ការនិយាយយ៉ាងបើកចំហររបស់ភ្នាក់ងាររបស់ Wijnaldum ធ្វើឲ្យមានរឿងល្អក់កករក្នុងក្រុមដោយលោកគ្រូបង្វឹក Jurgen Klopp និងអ្នកគាំទ្រមិនសូវសប្បាយចិត្តនោះឡើយស្របពេល Wijnaldum នៅតែបានចូលលេងជាជម្រើស១១នាក់ដំបូងយ៉ាងទៀងទាត់ក្នុងក្រុមពោលគឺ ៤៩ប្រកួតឯណោះ។
អ្នកកាសែត Konur បាននិយាយទៀតថា Bayern Munich ចូលមកដាក់សំណើកុងត្រា៣ឆ្នាំដល់ កីឡាករសញ្ជាតិហូឡង់ រូបនេះភ្លាមៗដោយមិនបង្អែបង្អង់ព្រោះចង់យកមកពង្រឹងក្រុម។
គួររម្លឹកផងដែរថា ខ្សែបម្រើ Georginio Wijnaldum ផ្ទេរពីក្លិប Newcastle United មកកាន់ Liverpool កាលពីឆ្នាំ ២០១៦ និងបានរួមចំណែកជួយក្រុមយ៉ាងសកម្មពេល Liverpool លើកពាន Champions League និង Premier League ៕
ប្រភព៖ caughtoffside
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប