លេចឮល្ហៀងៗថាកីឡាករ Man City រូបនេះចុះកុងត្រាទុកដល់ទៅ៥ឆ្នាំជាមួយ Barcelona

អេស្ប៉ាញ៖ ខ្សែការពារ Eric Garcia ដែលបច្ចុប្បន្នលេងឲ្យក្លិបមេឃខៀវ Manchester City ត្រូវបានគេរាយការណ៍ថានឹងផ្ទេរមកចូលរួមជាមួយ Barcelona នៅរដូវកាលក្រោយដោយចុះកុងត្រាចំនួន ៥ឆ្នាំជាមួយក្លិប។

កុងត្រារបស់ Garcia ជាមួយ Man City នឹងផុតកំណត់នៅខែក្រោយនេះហើយ ដែលលោកគ្រូបង្វឹក Pep Guardiola ក៏បានបង្ហើបដែរថា Garcia នឹងផ្ទេរទៅទឹកដី Camp Nou ។

កាលពីខែមករាកន្លងទៅនេះ Barcelona ព្យាយាមតាមចុះកុងត្រាយក កីឡាករសញ្ជាតិអេស្ប៉ាញរូបនេះប៉ុន្តែក៏ត្រូវបរាជ័យក្នុងការចរចាជាមួយ Manchester City ទើបត្រូវរង់ចាំរហូត Garcia ដាច់កុងត្រាជាមួយក្លិបអ្នកមាននៅអង់គ្លេសមួយនេះសិន។

ឥលូវនេះ អ្នកសារព័ត៌មានគួរឲ្យទុកចិត្តបាន Fabrizio Romano បានបង្ហើបថា Eric Garcia បានចុះកុងត្រាទុកជាមុនជាមួយ Barcelona ហើយដែលកុងត្រានេះមានសុពុលភាពរហូតដល់រដូវក្ដៅឆ្នាំ២០២៦ ឯណោះ។

Garcia មិនទទួលស្តាប់សំណើក្លិបផ្សេងនោះឡើយ ចិត្តរបស់គេគឺចង់លេងឲ្យ Barcelona តែមួយគត់ព្រោះគេជាកីឡាករកើតចិត្តពីថ្នាលយុវជន La Masia របស់ Barcelona នេះឯង។

ប្រធានក្លិប Barcelona លោក Joan Laporta ក៏បានអនុម័តឲ្យ Garcia ផ្ទេរមកក្លិបរួចរាល់ហើយ ដោយគេរំពឹងទុកថាការប្រកាសនេះនឹងធ្វើឡើងនៅចុងរដូវកាលនេះ។

គួរបញ្ជាក់ផងដែរថា Erica Garcia ចាប់ផ្ដើមអាជីពជាកីឡាករបាល់ទាត់នៅ La Masia របស់ Barcelona មុននឹងផ្ទេរទៅ Man City នៅឆ្នាំ២០១៧ ដោយគេបានបង្ហាញខ្លួន៣៣លើកឲ្យក្លិប៕

ប្រភព៖ sportsmole

Join us📲 : https://t.me/keylatop  ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប