ទីបំផុត Alaba ប្រាប់ពីមូលហេតុដែលគេចង់ចាកចេញពី Bayern ហើយ

បរទេស៖ ខ្សែការពារឆ្នើមរបស់ក្លឹបយក្ស Bayern Munich កីឡាករ David Alaba បានប្រកាសរួចហើយថារូបគេនឹងចាកចេញពីក្លិបនៅពេលដែលរដូវកាលនេះត្រូវបានបញ្ចប់។ កីឡាកររូបនេះបាននិយាថា​​​ មូលហេតុចម្បងនៃការចាកចេញនេះរបស់គេនេះគឺព្រោះតែរូបគេចង់ស្វែងរកការប្រកួតប្រជែងថ្មី និងដើរទៅរកវិថីថ្មីមួយក្នុងអាជីពជាកីឡាករបាល់ទាត់របស់រូបគេ។ រូបគេក៏បានបន្តដែរថា ដើម្បីការលូតលាស់និងការអភិវឌ្ឃខ្លួន រូបគេត្រូវតែចាកចេញ ដើម្បីទៅប្រឡូកនៅកន្លែងផ្សេងទៀត បន្ទាប់ពីចំណាយពេល ១៣ ឆ្នាំជាមួយក្លិប។ 

កីឡាកររូបនេះមិនបានបញ្ជាក់ពីគោលដៅបន្ទាប់របស់គេឡើយ ប៉ុន្តែគេក៏បានប្រាប់ឲ្យដឹងដែរថា រូបគេចាកចេញពី Bayern ទាំងទឹកភ្នែកហើយគេសូមជូនពរឲ្យ Bayern ជួបតែសំណាងល្អជានិច្ច។

គួរបញ្ជាក់ដែរថា មានក្លិបធំៗជាច្រើនតាមប្រជែងយករូបគេ ប៉ុន្តែគោលដៅបន្ទាប់ដែលគេពេញចិត្តបំផុតនោះគឺ Real Madrid ហើយក៏មានដំណឹងទាក់ទងពីការចចារគ្នារវាង Alaba និង Madrid ផងដែរទាក់ទងអំពីការចូលរួមរបស់គេជាមួយនឹងក្លិប៕