ប្រេស៊ីល៖ សហព័ន្ធកីឡាបាល់ទាត់ប្រចាំតំបន់ CONMEBOL បាននិយាយកាលពីថ្ងៃព្រហស្បតិ៍ថាការប្រកួតជម្រុះបាល់ទាត់ពិភពលោកឆ្នាំ ២០២២ របស់អាមេរិកខាងត្បូងនឹងបន្តឡើងវិញនៅខែមិថុនាជាមួយក្រុមនីមួយៗត្រូវលេងពីរប្រកួតមុនការប្រកួតក្នុងព្រឹត្តិការណ៍ Copa America ចាប់ផ្ដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាមសេចក្តីថ្លែងការណ៍មួយនៅលើគេហទំព័រផ្លូវការរបស់ CONMEBOL ថ្ងៃនៃការប្រកួតលើកទី ១ ត្រូវបានគ្រោងនឹងចាប់ផ្ដើមនៅថ្ងៃទី ៣-៤ ខែមិថុនានិងមួយថ្ងៃផ្សេងទៀតគឺនៅថ្ងៃទី ៨ ខែមិថុនាខាងមុខនេះ។
ម្ចាស់ជើងឯក World Cup ៥ សម័យកាលប្រេស៊ីលនឹងត្រូវប៉ះក្រុមអេក្វាទ័រនិងប៉ារ៉ាហ្គាយ ខណៈដែលក្រុមជើងឯក ២ សម័យកាលអាហ្សង់ទីននឹងត្រូវប៉ះក្រុមឈីលីនិងកូឡុំប៊ី។
ការប្រកួតក្នុងព្រឹត្តិការណ៍ Copa America ដែលធ្វើឡើងនៅប្រទេសអាហ្សង់ទីននិងកូឡុំប៊ីនឹងចាប់ផ្តើមនៅថ្ងៃទី ១៣ ខែមិថុនាដែលនេះគឺជាការប្រកួតលើកដំបូងដែលធ្វើឡើងនៅក្នុងប្រទេសចំនួន ២ ។
គួររំលឹកផងដែរថា ការប្រកួតជម្រុះជុំទី ៥ និងទី ៦ នៃការប្រកួតជម្រុះ World Cup របស់អាមេរិកខាងត្បូងត្រូវបានផ្អាកកាលពីខែមីនាដោយសារតែការរឹតត្បិតការធ្វើដំណើរដោយសារជំងឺរាតត្បាតកូវីដ-១៩ នៅក្នុងប្រទេសមួយចំនួន។
ស្ថាប័ន CONMEBOL បាននិយាយថាវគ្គជម្រុះបន្ថែមនឹងត្រូវបានគ្រោងធ្វើឡើងនៅឆមាសទី ២ នៃឆ្នាំនេះដើម្បីធានាថាពួកគេបានបញ្ចប់ទាន់ពេលវេលាសម្រាប់ព្រឹត្តិការណ៍បាល់ទាត់ពិភពលោកដែលនឹងត្រូវលេងនៅប្រទេសកាតាចាប់ពីថ្ងៃទី ២១ ខែវិច្ឆិកាដល់ថ្ងៃទី ១៨ ខែធ្នូឆ្នាំ ២០២២ ។
ក្រុមខ្លាំងទាំងបួននៅចុងបញ្ចប់នៃការប្រកួតជម្រុះតំបន់អាមេរិចខាងត្បូងនឹងទទួលបានកៅអីទៅកាន់ការប្រកួតបាល់ទាត់ពិភពលោកដោយផ្ទាល់ ខណៈដែលក្រុមចំណាត់ថ្នាក់លេខ ៥ នឹងឈានទៅប្រកួតវគ្គជម្រុះអន្តរទ្វីប៕
ប្រភព៖ Xinhua News