បរទេស៖ សមាគមបាល់ទាត់ទ្វីបអឺរ៉ុប (UEFA) បានអនុញ្ញាតឲ្យអ្នកគាំទ្រធ្វើដំណើរពីប្រទេសអង់គ្លេសចូលទស្សនាការប្រកួតពានរង្វាន់កម្រិតទ្វីបលំដាប់ទី១ UEFA Champions League វគ្គផ្តាច់ព្រ័ត្ររដូវកាល ២០២០/២១ សរុប ៨ ០០០ នាក់ប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្លិបអ្នកមាននៅអង់គ្លេសទាំងពីររួមមាន Manchester City និង Chelsea នឹងត្រូវតទល់គ្នាដណ្ដើមជើងឯកព្រឹត្តិការណ៍ UEFA Champions League 2020/2021 ដោយនឹងរៀបចំឡើងនៅទីក្រុង Istanbul ប្រទេសទួរគី នាកីឡដ្ឋាន Ataturk Olympic ។
កីឡដ្ឋានខាងលើនេះមានទំហំអាចផ្ទុកអ្នកទស្សនាសរុប ៧៥ ១៤៥ នាក់ ឯណោះ ប៉ុន្តែដោយហេតុក្នុងបរិបទនៃជំងឺរាលដាលសាកល COVID-19 សមាគមបាល់ទាត់ពិភពលោក (UEFA) បានកំណត់អ្នកចូលទស្សនាត្រឹម ៨ ០០០ នាក់។
ចំនួនសំបុត្រ ៨ ០០០ សន្លឹកខាងលើនឹងត្រូវចែកជា ២ ផ្នែកស្មើរគ្នាដល់ក្លិបទាំងពីរ ពោលគឺក្លិបនីមួយៗ ទទួលបាន ៤ ០០០ សន្លឹកសម្រាប់អ្នកគាំទ្ររបស់ខ្លួនចូលទស្សនា។
គួរបញ្ជាក់ផងថា Manchester City នឹងជួប Chelsea នៅវគ្គផ្តាច់ព្រ័ត្រខាងលើនាយប់ថ្ងៃទី២៩ ខែឧសភា ឆ្នាំ២០២១ ចុងខែនេះ ឬត្រូវនឹងថ្ងៃទី៣០ (ម៉ោងនៅកម្ពុជា)៕