រាជធានីភ្នំពេញ៖ យោងតាមផ្សាយផ្ទាល់នៅផេកហ្វេសប៊ុកផ្លូវការរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អភិបាលរងរាជធានីភ្នំពេញ លោក កើត ឆែ បានប្រកាសប្រាប់ឱ្យដឹងថា នាពេលបច្ចុប្បន្នស្ថិតនៅកាលៈទេសបែបនេះ គឺផ្សារនៅក្នុងរាជធានីភ្នំពេញគឺមិនទាន់ត្រូវបានអនុញាតឱ្យដំណើរនោះទេ ដោយសារពុំទាន់សុវត្ថិភាព១០០ ភាគរយ នៅឡើយ ព្រោះកន្លងមក អ្នកលក់ដូរជុំវិញមន្ទីរពេទ្យមិត្តភាពកម្ពុជាចិនឬ ពេទ្យលោកសង្ឃ និង អ្នកលក់នៅជុំវិញមន្ទីរពេទ្យកាល់ម៉ែតមួយចំនួន ត្រូវបានរកឃើញឆ្លងវីរុសកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក កើត ឆែ បានមានប្រសាសន៍ថា កាលពីកន្លងមក សម្តេចតេជោ ហ៊ុន សែន ធ្លាប់បានថ្លែងហើយថា ការប្រយុទ្ធជាមួយនឹងវីរុសកូវីដ១៩នេះ គឺពិបាកជាងធ្វើសង្គ្រាមទៅទៀតដោយសារតែវីរុសនេះមើលមិនឃើញឡើយ។
លោកអភិបាលរាជធានីភ្នំពេញរូបនេះ បានបន្ថែមទៀតថា៖ ដូច្នេះនាពេលនេះគឺមិនទាន់អាចបើកដំណើរការផ្សារទាំងអស់នៅរាជធានីភ្នំពេញបាននៅឡើយទេ រង់ចាំឱ្យមានសុវត្ថិភាពសិនទើបអាចឱ្យបើកដំណើរការបាន ព្រោះអ្នកលក់ដូរមួយចំនួនធំ ជាពិសេសអ្នកលក់ដូរជុំវិញមន្ទីរពេទ្យលោកសង្ឃគឺ ១០០ ភាគរយកើតកូវីដ-១៩ ទាំងអស់ ដូច្នេះវីរុសនេះ គឺយើងមិនអាចមើលឃើញដោយភ្នែកទទេរនោះទេ ។
Bong I.T