បរទេស៖ ក្លិបមាន់ខ្នាយមាស់ Tottenham Hotspur ត្រូវបានគេរាយការណ៍ថាបានធ្វើកិច្ចចរចាប្រកបដោយផ្លែផ្កានិងគួរឱ្យចាប់អារម្មណ៍ជាមួយនឹងគ្រូបង្វឹកលោក Antonio Conte ដែលកំពុងដឹកនាំនៅក្លិប Inter Milan អំពីលទ្ធភាពនៃការមកដឹកនាំ Spurs ជំនួសកន្លែងលោក Jose Mourinho ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សSpurs កំពុងតាមរកអ្នកជំនួសលោក Mourinho ហើយឈ្មោះគ្រូបង្វឹកមួយចំនួនត្រូវបានផ្សារភ្ជាប់ជាមួយនឹងតំណែងនេះចាប់តាំងពីគ្រូបង្វឹកសញ្ជាតិព័រទុយហ្កាល់ត្រូវបានបណ្តេញចេញពីតំណែងកាលពីថ្ងៃទី ១៩ ខែមេសា មកម្ល៉េះ។ យោងតាមសារព័ត៌មាន Corriere dello Sport បាន ឲ្យដឹងថាបច្ចុប្បន្ន Tottenham បានពិភាក្សាជាមួយ Conte ហើយបុរសវ័យ ៥១ ឆ្នាំរូបនេះត្រូវបានគេគិតថាមានគំនិតបើកចំហក្នុងការវិលទៅដឺកនាំនៅ Premier League វិញ។
គ្រូបង្វឹកសញ្ជាតិអ៊ីតាលីរូបនេះបានដឹកនាំក្រុម Inter រហូតដល់ឆ្នាំ ២០២០-២១ នៃក្របខ័ណ្ឌ Serie A ប៉ុន្តែមានការសង្ស័យលើអនាគតដ៏វែងឆ្ងាយរបស់គាត់នៅឯកីឡាដ្ឋាន San Siro ដោយសារតែមានទំនាក់ទំនងតានតឹងជាមួយគណៈគ្រប់គ្រងរបស់ក្លិប។ របាយការណ៍ដដែលបានអះអាងថាការផ្ទេរប្រាក់អាចត្រូវបានកំណត់ដោយសារតែបញ្ហាហិរញ្ញវត្ថុរបស់ក្រុមអ៊ីតាលីហើយទ្វារត្រូវចំហរចោលសម្រាប់លោក Conte ដើម្បីធ្វើឱ្យការផ្លាស់ប្តូរត្រឡប់ទៅអង់គ្លេសវិញ។
គួររំលឹកផងដែរថា អតីតគ្រូបង្វឹកជម្រើសជាតិអ៊ីតាលីរូបនេះធ្លាប់បានគ្រប់គ្រងក្រុមតោខៀវ Chelsea នៅចន្លោះឆ្នាំ ២០១៦ និង ២០១៨ ដោយដឹកនាំក្រុមតោខៀវគ្រងជើងឯក Premier League មួយដងនិងឈ្នះពានរង្វាន់ FA Cup មួយដងអំឡុងពេលគាត់ដឹកនាំ៕