អេស្ប៉ាញ៖ វាជាដំណឹងអាក្រក់មួយសម្រាប់អ្នកគាំទ្រក្លិបអធិរាជស Real Madrid ក្រោយក្លិបបានចេញសេចក្ដីប្រកាសជាផ្លូវការថា ខ្សែការពារ Raphael Varane មិនអាចចូលលេងក្នុងការប្រកួតរវាង Chelsea ទល់នឹង Real Madrid បានឡើយ ដោយសារគេបានរងរបួសត្រង់សាច់ដុំ។
កីឡាករសញ្ជាតិបារាំងរូបនេះត្រូវបានប្ដូរចេញក្នុងការប្រកួតទល់នឹង Osasuna ហើយឆ្លងកាត់ការធ្វើតេស្តយ៉ាងលំអិតបានបង្ហើបថា គេមិនអាចធ្វើដំណើរទៅទឹកដី Stamford Bridge បាននោះឡើយ។
ដំណឹងនេះអាចធ្វើឲ្យលោកគ្រូបង្វឹក Zinedine Zidane ឈឺក្បាលព្រោះខ្សែបម្រើ Lucas Vazquez និង Dani Carvajal ក៏មិនអាចមានមុខក្នុងការប្រកួតនេះដែរ។
ក្លិប Real Madrid បានប្រកាសទាក់ទងនឹងស្ថានភាពរបស់ Varane ថា៖
យ៉ាងណាមិញ Real Madrid នៅមានរបាំងការពារដ៏រឹងមាំពីរនេះទៀតព្រោះទាំង Ramos និង Mendy សុទ្ធតែបានមកហ្វឹកហាត់ជាមួយក្រុមវិញហើយ។
គួរបញ្ជាក់ផងដែរថា ការប្រកួតរវាង Chelsea និង Real Madrid នឹងធ្វើឡើងនៅថ្ងៃទី៦ ខែឧសភា វេលាម៉ោង២ទាបភ្លឺ៕
ប្រភព៖ marca
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload