អង់គ្លេស៖ នាយកប្រតិបត្តិរបស់ក្រុមហ៊ុន Spotify គឺលោក Daniel Ek បានចាប់ផ្ដើមបើកការដេញថ្លៃទិញយកក្លិបកាំភ្លើងធំ Arsenal ពីលោក Stan Kroenke ហើយបើទោះបីជាលោក Kroenke ប្រកាន់គោលជំហរមិនលក់ក្លិបមួយនេះដាច់ខាតក៏ដោយ។
យោងតាមការរាយការណ៍គឺ Ek ហ៊ានឲ្យ Kroenke ដល់ទៅ ១.៨ កោដផោន(ស្មើនឹងប្រមាណ ២.៤កោដដុល្លារ) ដោយលោកគ្រោងនឹងស្នើចំនួនទឹកប្រាក់នេះនៅចុងសប្តាហ៍នេះហើយ។
មហាសេដ្ឋីជនជាតិស៊ុយអែតរូបនេះ ធ្លាប់បានបង្ហើបថារូបគាត់ជាអ្នកគាំទ្រក្លិប Arsenal តាំងពីក្មេងនិងរីករាយយកលុយចេញពីហោប៉ៅទាំងអស់ទិញយកក្លិបមួយនេះ ដោយថែមទាំងបានប្រមូលវីរបុរសរបស់ក្លិបបីរូបទៀតដូចជា Theirry Henry, Patrice Evra និង Dennis Bergkamp ក្នុងយុទ្ធនាការមួយនេះប៉ុន្តែគេមិនទាន់ដឹងទេថា លោក Stan Kroenke ដែលជាម្ចាស់ក្លិបនិង Josh Kroenke ដែលជាប្រធានផ្នែកដឹកនាំយល់ព្រមទទួលស្តាប់សំណើនេះឬអត់។
លោក Daniel Ek ធ្លាប់ថ្លែងប្រាប់ CNBC កាលពីសប្តាហ៍មុនថាលោកមានប្រាក់គ្រប់គ្រាន់សម្រាប់ទិញយកក្លិបមួយនេះ ស្របពេលលោក Theirry Henry បានចេញមុខនិយាយថាលោកពិតជាបានចាប់ដៃចូលរួមជាមួយ លោក Ek ក្នុងការទិញយកក្លិប Arsenal ពី Kroenke ពិតមែន៕
ប្រភព៖ thesun
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload