សៀមរាប៖ ថ្មីៗនេះ មានវីដេអូឃ្លីបខ្លីមួយ ត្រូវបានគេចែករំលែកតៗគ្នាយ៉ាងច្រើន ជុំវិញសកម្មភាពរបស់ព្រះសង្ឈមួយអង្គ កំពុងឆាន់ចង្ហាន់ពេលថ្ងៃត្រង់នៅតាមផ្លូវ។

យ៉ាងណាមិញ ក្រោយពីបានឃើញព័ត៌មានតាមបណ្ដាញសង្គមហ្វេសប៊ុកមក ដែលបានផ្សាយថាព្រះសង្ឃនៅវត្តផ្ចឹកជ្រុំ ឃុំកន្ទួត ស្រុកស្វាយលើ ខេត្តសៀមរាបពុំមានចង្ហាន់ឆាន់ឡើយ។ ហើយកាលពីព្រឹក ថ្ងៃទី៤ ខែឧសភា ឆ្នាំ២០២១ ព្រះមេគណនិងលោក វណ្ណ ប៊ុនណា ប្រធានមន្ទីរធម្មការបានចាត់ក្រុមការងារសាលាគណ និងមន្ដ្រីមន្ទីរធម្មការនិងសាសនាបានចុះទៅដល់វត្ត ប៉ុន្ដែមិនពិតដូចការផ្សាយនោះទេ។ ផ្ទុយទៅវិញ ការឆាន់ចង្ហាន់របស់សង្ឃនៅតាមផ្លូវជារូបភាពកាលពីចុងឆ្នាំ២០២០ ដោយសារជិតផុតម៉ោងឆាន់ពេលថ្ងៃត្រង់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សាលាគណខេត្តសៀមរាប បញ្ជាក់ថា ការពិតទៅព្រះសង្ឃមានវ័យចំណាស់អង្គនោះ គង់នៅវត្តអន្លង់ធំលើខ្នងភ្នំគូលេន ក្នុងស្រុកស្វាយលើ។ ឯការឆាន់នៅក្បែរចិញ្ចើមថ្នល់នោះ គឺពេលព្រះអង្គនិមន្តទៅព្យាបាលជំងឺនៅភូមិ ក្នុងឃុំកន្ទួតនោះ ហើយពេលនិមន្តត្រឡប់មកវិញត្រូវគង់ចាំរថយន្តឈ្នួលនៅមុខវត្តឥន្ទបារមីសិរីរដ្ឋដូចដែលឃើញក្នុងវីដេអូ តែដោយជិតផុតម៉ោងឆាន់ចង្ហាន់ថ្ងៃត្រង់ ញាតិញោមក៏បានទិញបាញ់ស៊ុងដែលគេលក់តាមម៉ូតូប្រគេន ព្រោះគ្មានអ្វីលក់នៅម្តុំនោះទេ។ ហើយបច្ចុប្បន្ននេះ លោកតាបានលាចាកសិក្ខាបទ (សឹក) អស់រយៈពេល ៣ខែហើយ។

ដោយឡែក ចំពោះស្ថានភាពវត្តឥន្ទបារមីសិរីរដ្ឋ ដូចឃើញក្នុងវីដេអូនោះ គឺមិនមានការខ្វះខាតអ្វីទេ ក្នុងវត្តមានព្រះសង្ឃពីរអង្គគង់នៅជាធម្មតា៕

ចង់បានព័ត៌មានបន្ថែម និងរហ័ស សូមចុច៖ https://t.me/khmerload

សូមទស្សនារូបភាពខាងក្រោមនេះ៖

ការបង្ហោះមិនពិត
លោកតា​ ក្រោយពេលលាចាកសិក្ខាបទ
ព្រះសង្ឃដែលគង់ក្នុងវត្តឥន្ទបារមីសិរីរដ្ឋ
ក្រុមការងារសាលាគណ និងមន្ដ្រីមន្ទីរធម្មការនិងសាសនាពេលចុះទៅដល់វត្ដ
ក្រុមការងារសាលាគណ និងមន្ដ្រីមន្ទីរធម្មការនិងសាសនាពេលចុះទៅដល់វត្ដ
ក្លោងទ្វារវត្ដ
វត្ដ

ប្រភព៖ រដ្ឋបាលខេត្ដសៀមរាប

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]