អង់គ្លេស៖ ខ្សែប្រយុទ្ធ Riyad Mahrez នៃក្លិបមេឃខៀវ Manchester City បានដៀមដាមកីឡាកររបស់ Paris Saint-Germain ថាពួកគេប្រើកម្លាំងបាយនិងទាត់កីឡាកររបស់ Man City នៅតង់ទី២ទៀតផង។
កាលពីយប់ថ្ងៃទី៥ខែ ឧសភាកន្លងទៅនេះ ក្លិប Man City បានបើកទ្វារកីឡដ្ឋាន Etihad ស្វាគមន៍ PSG ដែលជាការប្រកួតវគ្គពាក់កណ្ដាលផ្ដាច់ព្រ័ត្រ Champions League ជើងទី២ ដែលចប់ការប្រកួត Man City បានទម្លាក់ PSG ក្រោមលទ្ធផល គឺ Man City យកឈ្នះ PSG ២ ទល់នឹង ០ ដែល Riyad Mahrez រកបានទាំង២គ្រាប់គឺនៅនាទីទី ១១ និងនាទីទី៦៣ ដែលសរុបទាំងពីរជើងគឺ Man City យកឈ្នះ ៤ ទល់នឹង ១។
យ៉ាងណាមិញ ក្នុងការប្រកួតជើងទី២នេះ បរិយាកាសទាំងមូលមានភាពក្ដៅគគុកណាស់ ដោយ Angel Di Maria ទទួលបានកាតក្រហម និងត្រូវបណ្ដេញចេញពីទីលាន ខណៈកីឡាករបីរូបផ្សេងទៀតទទួលបានកាតលឿងដែលមានន័យថាកីឡាករ PSG ព្យាយាមប្រើកម្លាំងបាយរារាំងកីឡាកររបស់ Man City ធ្វើឲ្យ Mahrez ចោទថាពួកគេបាត់បង់ម្ចាស់ការលើខ្លួនឯង។
Mahrez បានថ្លែងថា៖
គួរបញ្ជាក់ផងដែរថា Manchester City ត្រូវរង់ចាំមើលថាតើអ្នកណាជាអ្នកឈ្នះក្នុងការប្រកួតរវាង Chelsea និង Real Madrid សិនទើបអាចដឹងថាក្រុមពួកគេត្រូវប៉ះក្រុមមួយណាក្នុងវគ្គផ្ដាច់ព្រ័ត្រ Champions League ដែលធ្វើឡើងនៅទីក្រុង អ៊ីស្តង់ប៊ុល ប្រទេសតួកគី៕
សូមទស្សនាវីដេអូនៃការប្រកួតខាងក្រោម៖
ប្រភព៖ metro
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម :
https://t.me/khmerload