អុីតាលី៖ ក្លិបមួយរបស់ប្រទេសអុីតាលីដែលបច្ចុប្បន្នកំពុងតែស្ថិតនៅក្នុងក្របខណ្ឌអុីតាលី Serie A គឺក្លិប AS Roma បានចេញមកប្រកាសតាមរយៈបណ្តាញសង្គម Twitter ផ្លូវការរបស់ខ្លួនថា ក្លិបបានតែងតាំងលោកគ្រូបង្វឹកសញ្ជាតិព័រទុយហ្គាល់ Jose Mourinho ជាគ្រូបង្វឹកសម្រាប់រដូវកាលថ្មី 2021-2022 ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរដឹងផងដែរថា លោក Jose Mourinho ត្រូវបានបណ្តេញចេញដោយក្លិប Tottenham Hotspur ថ្មីៗនេះហើយត្រូវបានតែងតាំងជាអ្នកចាត់ការថ្មីរបស់ AS Roma ផងដែរហើយនឹងចូលកាន់តំណែងនៅក្លិបមុនរដូវកាល ២០២១-២២ ។
មួយវិញទៀត ក្លិប AS Roma បានបញ្ជាក់ថាលោក Jose Mourinho នឹងវិលត្រឡប់មកកាន់ Serie A វិញក្នុងនាមជាគ្រូបង្វឹករបស់មួយនេះក្នុងកិច្ចសន្យារយៈពេល ៣ ឆ្នាំ។ កាលពីមុនគាត់ធ្លាប់ដឹកនាំក្លិប Inter Milan នៅប្រទេសអ៊ីតាលីម្តងរួចមកហើយចន្លោះឆ្នាំ ២០០៨ និង ២០១០ និងបានដឹកនាំក្រុមនេះឱ្យទទួលបានពានរង្វាន់ UCL ក្នុងរដូវកាល ២០០៩ ។
យោងតាមកិច្ចព្រមព្រៀងនេះលោក Jose Mourinho នឹងត្រូវទទួលបន្ទុកក្រុមមុនរដូវកាល ២០២១-២២ ហើយគ្រូបង្វឹកបច្ចុប្បន្ន Paulo Fonseca ពេលនេះត្រូវបានគេបញ្ជាក់ថានឹងចាកចេញពីក្លឹបនៅចុងបញ្ចប់នៃរដូវកាល។ ក្លឹបបានចេញសេចក្តីថ្លែងការណ៍ជាច្រើនដែលទីមួយបញ្ជាក់ពីការចាកចេញរបស់ Paulo Fonseca ពីក្លិប៕