អ៊ីតាលី៖ បន្ទាប់ពីក្លិប Tottenham Hotspur បានបណ្តេញលោក Jose Mourinho ចេញពីតំណែងកាលពីប៉ុន្មានសប្តាហ៍មុន ពេលនេះអ្នកចាត់ការសញ្ជាតិព័រទុយហ្កាល់គឺទទួលបានការងារថ្មីហើយ ដោយលោកនឹងក្លាយជាគ្រូបង្វឹករបស់ក្លិប Roma នារដូវកាល ២០២១-២០២២ ខាងមុខ ដោយព្រមព្រៀងកិច្ចសន្យារយៈពេល៣ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួររម្លឹកថា អ្នកចាត់ការវ័យ ៥៨ ឆ្នាំ ត្រូវបាន Spurs បណ្តេញចេញពីតំណែងកាលពីថ្ងៃទី ១៩ ខែមេសា កន្លងទៅ ស្របពេលដែលអតីតគ្រូបង្វឹករបស់ក្រុម Chelsea និង Manchester United រូបនេះមិនបានជួយឱ្យក្រុមមាន់ខ្នាយមាសទទួលបានផ្លែផ្កាណាមួយជាដុំកំភួនឡើយ។
យោងតាមសេចក្តីថ្លែងការផ្លូវការនៅក្នុងគេហទំព័ររបស់ក្លិបបានឱ្យដឹងថា៖
យើងពិតជារីករាយ និង រំភើបជាខ្លាំង ក្នុងការស្វាគមន៍លោក Jose Mourinho មកកាន់គ្រួសាររបស់ Roma។ វាជារឿងដ៏អស្ចារ្យមួយក្នុងការនាំពួកយើងទៅរកជើងឯក ក្រោយពីយើងបានតែងតាំងគ្រូបង្វឹកដែលមានបទពិសោធន៍ជោគជាំ និង ជាគ្រូបង្វឹកម្នាក់ដែលមានមហិច្ចតាខ្ពស់។ ពិតណាស់ ការតែងតាំងលោក Mourinho ជាការកសាងក្រុមមួយឱ្យមានភាពល្អប្រសើរឡើងវិញ និង ជោគជ័យយូរអង្វែង៕
ប្រភព៖ Goal
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម:
https://t.me/khmerload
Bong I.T