បរទេស៖ លោក Jose Mourinho ក្លាយជាអ្នកចាត់ការថ្មីរបស់ក្រុម AS Roma ជាផ្លូវការ។ លោក Jose ទើបតែចុះកុងត្រាជាមួយ Roma រហូតដល់ខែមិថុនាឆ្នាំ ២០២៤ បន្ទាប់ពីត្រូវបណ្តេញចេញពីក្លិប Tottenham ។ ដំបូងឡើយក្លិប Roma ចង់បានលោក Maurizio Sarri ប៉ុន្តែក្រោយលោក Speical One ត្រូវបាន Spurs បណ្តេញចេញទើបក្លិបសម្រេចចិត្តជ្រើសរើសលោក Jose Mourinho វិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមុននេះបន្តិចក្លិប AS Roma បាននិយាយថាលោក Paulo Fonseca នឹងចាកចេញពីតួនាទីជាគ្រូបង្វឹកនៅចុងរដូវកាលនេះបច្ចុប្បន្នក្រោមការដឹកនាំរបស់លោក Fanseca ធ្វើក្រុម Roma ស្ថិតក្នុងចំណាត់ថ្នាក់លេខ ៧ ដោយក្លិបចង់បានចំណាត់ថ្នាក់ល្អជាងនេះ។ ហើយកាលពីថ្ងៃព្រហស្បតិ៍ Roma បានចាញ់ក្រុម Manchester United ក្នុងការប្រកួតវគ្គពាក់កណ្តាលផ្តាច់ព្រ័ត្រ Europa League ដោយលទ្ធផល ៦-២ ។
Roma បាននិយាយថា “ក្លិបមានសេចក្តីសោមនស្សរីករាយដែលបានប្រកាសកិច្ចព្រមព្រៀងមួយជាមួយលោក Jose Mourinho ដើម្បីឱ្យគាត់ក្លាយជាគ្រូបង្វឹកថ្មីរបស់យើងនៅមុនរដូវកាល ២០២១-២២” ៕