លោក ប្រាក់ សុវណ្ណារ៉ា អតីតគ្រូជម្រើសជាតិយល់ថាក្រុមភ្ញៀវ PSG នឹងមានប្រៀបលេីម្ចាស់ផ្ទះ Man City ហើយអាចទទួលបានលទ្ធផលល្អ។ អតីតគ្រូបឹងកេតបានពន្យល់បន្តទៀតបែបនេះថា «សម្រាប់ខ្ញុំបើមើលទៅលើជើងទី១ PSG មានឱកាសច្រើនជាង តែខ្សែប្រយុទ្ធគ្មានសំណាង ហើយគ្រាប់បាល់ពីរគ្រាប់របស់ Man City ពិសេសគ្រាប់ទី២គឺកើតចេញពីការរៀបចំឬគេហៅថា Set-Piece។ មួយវិញទៀតគ្រាប់ទី២ហ្នឹង ក៏ជាកំហុសនៃការធ្វើរនាំងឲ្យគេ (Man City) ទាត់ចូល ព្រោះដោយសារតែសល់ចន្លោះ។ ចឹងសម្រាប់ជើងទី២ខ្ញុំគិតថា PSG នៅតែមានប្រៀបជាង ដោយសារ PSG គេមានខ្សែប្រយុទ្ធខាងលើមុតស្រួចជាង។ ឯតាក់ទិចលេងអីផ្សេងៗហ្នឹងប្រហាក់ប្រហែលគ្នា»។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកសង្កត់ធ្ងន់ថា ជ័យជម្នះរបស់ក្រុម Man City កាលជើងទី១គឺអាចថា ដោយសារសំណាងច្រើនជាង ដូច្នេះជំនួបជើងទី២នេះក៏ត្រូវមើលទៅលើសំណាងផងដែរ ព្រោះថាបាល់ទាត់នៅលើពិភពលោកវាអាស្រ័យលើសំណាងរហូតដល់២០% សូម្បីលោក Sir Alex អតីតគ្រូ Man Utd ក៏ធ្លាប់និយាយដែរ។ សម្រាប់យប់ខ្សែប្រយុទ្ធកំពូលល្បឿន Mbappe មានភាគខ្ពស់ខាងចូលលេងបន្ទាប់រងរបួសការពីសប្តាហ៍មុនជើងទី១ជាមួយក្រុម Man City៕