ក្រុមហ៊ុន Pfizer ពិភាក្សាជាមួយឥណ្ឌាលើការអនុម័តប្រើប្រាស់វ៉ាក់សាំងរបស់ខ្លួន ខណៈមិនទាន់ចុះបញ្ជីនៅក្នុងប្រទេសឥណ្ឌានៅឡើយ

ឥណ្ឌា៖ កាលពីថ្ងៃចន្ទកន្លងទៅ ក្រុមហ៊ុនផលិតឱសថ Pfizer បានបញ្ជាក់ដល់រដ្ឋាភិបាលឥណ្ឌាថា កុំមានការព្រួយបារម្ភចំពោះបញ្ហាសុវត្ថិភាពនៃការប្រើប្រាស់វ៉ាក់សាំងកូវីដ-១៩របស់ខ្លួន ស្របពេលដែលប្រទេសឥណ្ឌាស្នើឱ្យមានការធ្វើតេស្តក្នុងស្រុក សម្រាប់ការចាក់ថ្នាំបង្ការរោគរបស់បរទេស។

លោក Albert Bourla ជានាយកប្រតិបត្តិក្រុមហ៊ុន Pfizer បាននិយាយថា ក្រុមហ៊ុនPfizerកំពុងធ្វើការពិភាក្សាជាមួយរដ្ឋាភិបាលឥណ្ឌា ដើម្បីស្វែងរកផ្លូវក្នុងការអនុម័តជាផ្លូវការលើការប្រើប្រាស់វ៉ាក់សាំងរបស់Pfizer ខណៈដែលវ៉ាក់សាំងនេះ បច្ចុប្បន្នមិនត្រូវបានចុះបញ្ជីនៅក្នុងប្រទេសឥណ្ឌានោះទេ ទោះបីពាក្យសុំត្រូវបានដាក់ស្នើកាលពីប៉ុន្មានខែមុនក៏ដោយ។

យ៉ាងណាមិញ Pfizer កំពុងតែពិភាក្សាជាមួយរដ្ឋាភិបាលឥណ្ឌាដើម្បីធ្វើឱ្យវ៉ាក់សាំង Pfizer-BioNTech អាចប្រើបាននៅក្នុងប្រទេសនេះបន្ទាប់ពីកំពុងដាំក្បាលចុះក្រោមពីវិបត្តិជំងឺកូវីដ-១៩៕