កម្ពុជា៖ ខ្សែការពារស្លាបស្តាំក្លិប ណាហ្គាវើលដ៍ កីឡាករ ឃឹម បុរី បានទម្លាយពីកត្តាបីយ៉ាងដែលធ្វើរូបគេអាចលេងបាល់បានរយៈពេលយូរទោះពេលបច្ចុប្បន្នខ្លួនមានវ័យ៣៥ឆ្នាំក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បុរី ដែលមានដើមកំណើតនៅខេត្តតាកែវ បានចាប់ផ្តើមប្រឡូកនៅក្នុងវិស័យបាល់ទាត់អាជីព១៥ឆ្នាំទៅហើយ ប៉ុន្តែរូបគេនៅតែត្រូវបានមិត្តរួមក្រុមចាត់ទុកជាកីឡាករអាជីពគម្រូមួយដែលអាចថែរក្សាកាយសម្បទា និង កម្លាំងបានល្អ។ ជាក់ស្តែង ទោះមានវ័យរាងជ្រេបន្តិចមែន ប៉ុន្តែ បុរី នៅតែអាចក្រសោបបាននូវកៅអីជម្រើសដំបូងក្រោមការដឹកនាំរបស់លោកគ្រូ មាស ចាន់ណា ដដែល។
ឃឹម បុរី បាននិយាយថា៖
កត្តាទាំងបីយ៉ាងដែលធ្វើឲ្យខ្ញុំអាចលេងបាល់បានយូរ ទី១ គឺ ការហ្វឹកហាត់ខ្លាំងជាមួយក្រុម និងហាត់ដោយខ្លួនឯងអ្វីដែលខ្វះខាត និងពង្រឹងអ្វីដែលមាន។ ទី២ គឺ ការហូបចុកអោយបានត្រឹមត្រូវ គឺយើងត្រូវគិតតើអ្វីដែលយើងត្រូវហូប ដើម្បីជួយរាងកាយ និងថាមពលរបស់យើង និង ចុងក្រោយ គឺ ការសម្រាកឲ្យបានល្អ។ បីចំណុចនេះត្រូវតែដើរទន្ទឹមគ្នា ខ្វះមួយណាក៏មិនបានដែរ៕
ប្រភព៖ cncc
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
Bong I.T