អង់គ្លេស៖ អ្នកចាត់ការទូទៅក្លិប Manchester City លោក Pep Guradiola បានផ្ញើសារព្រមានទៅកាន់ Raheem Sterling និង កីឡាករដទៃទៀតនៅក្នុងក្រុម ថា ពួកគេអាចចាកចេញបានក្រោយបញ្ចប់រដូវកាលនេះប្រសិនបើអ្នកទាំងនោះចង់បង្ហាញខ្លួនគ្រប់ការប្រកួត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ក្នុងការប្រកួតថ្ងៃសៅរ៍កន្លងទៅទល់នឹង Crystal Palace គឺ លោក Pep បានផ្លាស់ប្តូរសមាសភាពចំនួនប្រាំបីនាក់ពីការប្រកួតទល់នឹង Paris Saint Germain ដើម្បីឲ្យពួកគេរក្សាកម្លាំងឲ្យបានគ្រប់គ្រាន់សម្រាប់ការប្រកួតជើងទីពីរនៃពានរង្វាន់ Champions League នាថ្ងៃស្អែកនេះ។ យ៉ាងណាក្តីទោះបីជាផ្លាស់ប្តូរសមាសភាពជម្រើសដំបូងច្រើនពិតមែន ប៉ុន្តែ Man City នៅតែអាចយកបានជ័យជម្នះក្នុងលទ្ធផល ២ទល់នឹង០។
លោក Pep បាននិយាយថា៖
កីឡាករចំនួនប្រាំបីនាក់មិនបានលេងទល់នឹង PSG ហើយ ពួកគេមានអារម្មណ៍មិនសប្បាយចិត្ត។ ពួកគេរីករាយចំពោះលទ្ធផលរបស់ក្រុម ប៉ុន្តែ មិនសប្បាយចិត្តដែលមិនបានចូលលេង។ អ្នកអាចស្រមៃបានថា អ្នកចង់ធ្វើការងារនោះណាស់ ប៉ុន្តែ មានមនុស្សម្នាក់ប្រាប់អ្នកថាអ្នកមិនអាចទេ។ ចម្លើយដែលខ្ញុំត្រូវឆ្លើយតបទៅវិញ គឺ អ្នកត្រូវតែប្រឹងប្រែងធ្វើឲ្យខ្ញុំយល់ខុសពីអ្នក។ ប្រសិនបើកីឡាករម្នាក់ចង់លេងគ្រប់ការប្រកួតនោះ ទីនេះអាចជាមិនមែនកន្លែងរបស់ពួកគេឡើយ៕
ប្រភព៖ mirror
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
Bong I.T