កូរ៉េខាងត្បូង៖ បន្ទាប់ពីមានការប្រកាសថាសមាជិក Na-Eun ក្រុមចម្រៀងនារី A Pink បានចាកចេញពីផលិតកម្ម Play M Entertainment ហើយកំពុងពិភាក្សាជាមួយផលិតកម្ម YG Entertainment នោះផលិតកម្មយក្សមួយនេះបានបញ្ជាក់ថាតារាស្រីរូបនេះ នឹងចូលរួមជាមួយពួកគេពិតប្រាកដមែន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះផងដែរ ផលិតកម្ម YG Entertainment ក៏បានចេញសចក្តីប្រកាសថ្លែងការណ៍មួយផងដែរ ដោយលើកឡើហដូច្នេះថា៖
ពួកយើងពិតជារីករាយ Na-Eun ដែលមានទេពកោសល្យពហុជំនាញ ចូលរួមក្នុងទីភ្នាក់ងាររបស់យើង។ យើងនឹងផ្តល់ការគាំទ្រយ៉ាងពេញទំហឹងដល់ Na-Eun នៅពេលដែលនាងស្ថិតនៅក្នុងពេលវេលាដ៏សំខាន់មួយនៅក្នុងអាជីពរបស់នាង ដែលកំពុងចាប់ផ្តើមក្នុងនាមជាតារាសម្តែង។
គួររំលឹកផងដែរថា Na-Eun គឺជាសមាជិកនៃក្រុម A Pink ចាប់តាំងពីពួកគេបានបង្ហាញខ្លួននៅឆ្នាំ ២០១១ ហើយរូបនាង ក៏បានចូលរួមក្នុងការសម្តែងភាគយន្តជាច្រើនផងដែរ។ គួរបញ្ជាក់ផងដែរថាកាលពីឆ្នាំ ២០១៧ ប្អូនស្រីរបស់ Na-Eun ឈ្មោះ Son Sae Eun បានចុះកុងត្រាជាមួយ YG Sports ដូច្នេដែរ៕
ប្រភព៖ Allkpop
សូមទស្សនារូបភាពខាងក្រោម៖
Bong I.T