អុីតាលី៖ កីឡាករម្នាក់របស់ក្រុម Inter Milan មិនមានគម្រោងក្នុងការចាកចេញពីក្លិបនៅឡើយទេដែលកីឡាករម្នាក់នោះគឺ ខ្សែប្រយុទ្ធសញ្ជាតិប៊ែលហ្សិក Romelu Lukaku ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសម្តីរបស់លោក Fabrizio Romano បានប្រាប់ឱ្យដឹងថា Romelu Lukaku មិនមានគម្រោងចាកចេញពី Inter Milan នៅរដូវក្តៅនេះទេបន្ទាប់ពីការឈ្នះពានរង្វាន់ Serie A ជាមួយក្លិប។ ខ្សែប្រយុទ្ធរូបនេះបានប្រាប់ទូរទស្សន៍ Sky Sport កាលពីថ្ងៃអាទិត្យថា "គាត់ពិតជាមានមោទនភាពណាស់ដែលបានក្លាយជាកីឡាកររបស់ក្លិប Inter Milan " ហើយលោក Romano បាននិយាយថាកីឡាករអន្តរជាតិបែលហ្ស៊ិករូបនេះនឹងនៅជាបន្តទៀតរហូតដល់រដូវកាលក្រោយចំពេលដែលមានការចាប់អារម្មណ៍ពីក្លិបមួយចំនួននៅតំបន់អឺរ៉ុប។
គួររម្លឹកផងដែរថា កីឡាកររូបនេះបានចាកចេញពីទឹកដី Old Trafford របស់ក្រុមបិសាចក្រហម Mancester United នៅក្នុងឆ្នាំ២០១៩ ដោយបានបន្តអាជីពរបស់ខ្លួននៅទឹកដីនៃប្រទេសអុីតាលី ពោលគឺរូបគាត់ធ្វើបានយ៉ាងល្អក្នុងការលេងឧ្យក្លិប Inter Milan ដោយបានស៊ុតបញ្ជូលទីចំនួន ៤៤គ្រាប់ក្នុងការប្រកួតចំនួន៦៩ ប្រកួត ហើយរូបគេជាចំណែកមួយយ៉ាងសំខាន់ដែលបានជួយឱ្យក្លិបនេះទទួលបានពានអុីតាលី Serie A នារដូវកាលនេះ៕