អង់គ្លេស៖ យោងតាមការរាយការណ៍ ក្លិបបិសាចក្រហម Manchester United បានបដិសេធមិនទទួលសំណើរបស់ក្លិបនានាដែលចង់បាន ខ្សែបម្រើ Donny van de Beek ដាច់ខាតនិងគ្មានគម្រោងអនុញ្ញាតឲ្យរូបគេចាកចេញពីទឹកដី Old Trafford ឡើយ។
De Beek បានផ្ទេរមក Manchester United កាលពីឆ្នាំមុនប៉ុន្តែរដូវកាលដំបូងនៅទីនេះ ហាក់មិនសូវកាក់ក់ប៉ុន្មានឡើយព្រោះគេកម្របានចូលលេងណាស់ដោយភាគច្រើនត្រូវគ្រូប្ដូរចូលក្នុងការប្រកួត ធ្វើឲ្យផ្ទុះការរិះគន់ដល់លោកគ្រូបង្វឹក Ole Gunnar Solskjaer ដែលមិនព្រមផ្ដល់ឱកាសឲ្យកីឡាករសញ្ជាតិហូឡង់រូបនេះ។
De Beek ជាប់ជម្រើស១១នាក់ដំបូងឲ្យ Man UTD បានតែ២ប្រកួតគត់ក្នុងក្របខណ្ឌ Premier League ដែលសរុបជានាទីគឺលេងមិនដល់ ៣៣០នាទីផង ហើយគេរកបានតែ១គ្រាប់គត់តាំងពីផ្ទេរមក។
យ៉ាងណាមិញ ពាក្យចចាមអារ៉ាមជាច្រើនបានផ្ទុះឡើងថាក្លិប Man UTD អាចនឹងដាក់ឲ្យកីឡាករ២៤ឆ្នាំរូបនេះទៅលេងខ្ចីជើងនៅក្លិបផ្សេងៗ ឬអាចនឹងលក់ចេញវិញតែម្ដង ប៉ុន្តែប្រភពចេញពី The Sun បានបង្ហើបឲ្យដឹងថា Donny van de Beek នឹងបន្តស្នាក់នៅ Old Trafford ព្រោះក្លិបគ្មានគម្រោងឲ្យគេចាកចេញទៅណាឡើយ។
ក្លិប Ajax ដែលជាអតីតក្លិបរបស់ De Beek មានចំណាប់អារម្មណ៍ចង់ទិញយកគេមកវិញឬអាចនឹងស្នើសុំខ្ចីជើង ប៉ុន្តែក្លិប Manchester United ក៏បានបដិសេធដោយមិនស្រណោះដែរ៕
ប្រភព៖ metro
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload