អង់គ្លេស៖ អ្នកគាំទ្រក្លិបបិសាចក្រហម Manchester United ជាច្រើនរយនាក់បានប្រមូលផ្ដុំគ្នាលុកលុយ កីឡដ្ឋាន Old Trafford ដោយកាន់ផ្លាកតវ៉ាឲ្យលោក Joel Glazer ចុះចេញពីតំណែងនិងលក់ក្លិបនេះឲ្យអ្នកផ្សេងព្រមទាំងដុតផ្សែងពណ៌ហ៊ុយទ្រលោមពេញនោះ។
ការតវ៉ាដែលធ្វើឡើងជាលក្ខណៈទ្រង់ទ្រាយធំនេះធ្វើឲ្យការប្រកួតរវាង Manchester United និង Liverpool ត្រូវបង្ខំចិត្តផ្អាកបណ្ដោះអាសន្នដោយមិនទាន់មានការជូនដំណឹងណាមួយថានឹងធ្វើឡើងនៅថ្ងៃណានោះឡើយ។
សារព័ត៌មាន Sky Sports បានបង្ហើបឲ្យដឹងទៀតថា អ្នកគាំទ្រខ្លះថែមទាំងបានចូលទៅតវ៉ាដល់ក្នុងបន្ទប់ផ្លាស់សំលៀកបំពាក់ទៀតផង ខណៈអ្នកគាំទ្រមួយក្រុមធំទៀតបានព្យាយាមចូលទៅកាន់សណ្ឋាគារ Lowry ដែលជាកន្លែងកីឡាករ Manchester United ស្នាក់នៅ ប៉ុន្តែត្រូវប៉ូលិសចូលមករារាំងផងដែរ។
ដើមឡើយ អ្នកគាំទ្រ Manchester United អស់ទាំងនេះបានបើកការតវ៉ានៅម៉ោងប្រមាណ ៤ និង ៣០នាទី និងមិនព្រមបញ្ឈប់ងាយៗនោះឡើយទើបក្របខណ្ឌPremier League ចាំបាច់ត្រូវប្រកាសពន្យាពេលការប្រកួតតែម្ដង។
ដោយឡែក ក្លិប Manchester United បានចេញសេចក្ដីប្រកាសមួយថា៖
គួរបញ្ជាក់ផងដែរថា កាលពីថ្មីៗកន្លងទៅនេះ អ្នកគាំទ្រមួយក្រុមរបស់ Man UTD ក៏បានចូលទៅលុកលុយដល់ក្នុងទីលានហ្វឹកហាត់របស់កីឡាករដែរតែត្រូវលោកគ្រូ Ole Gunnar Solskjaer ដោះស្រាយជាមួយ ប៉ុន្តែការតវ៉ាលើកនេះមានលក្ខណៈទ្រង់ទ្រាយធំ គឺមានមនុស្សមិនតិចជាងរយនាក់ឡើយ ដោយគោលបំណងធំរបស់ពួកគេគឺសុំឲ្យម្ចាស់ក្លិបគឺលោក Joel Glazer និងគ្នីគ្នា ប្រញាប់លក់ក្លិបនេះឲ្យឆាប់ បន្ទាប់ពីលោករួមចំណែកឲ្យ Man UTD ចូលរួមក្នុង European Super League ៕
សូមទស្សនាទិដ្ឋភាពនៃការតវ៉ាដូចខាងក្រោម៖
ប្រភព៖: metro
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
