បរទេស៖ កីឡាករ Dani Alves បានណែនាំទៅកាន់ Lionel Messi កុំឱ្យដើរតាមគន្លងរបស់គាត់ ដែលបានចាកចេញពី Barcelona ខណៈបុរសសញ្ជាតិអាហ្សង់ទីននឹងផុតកុងត្រានាខែមិថុនាខាងមុខនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅពេលនេះមានក្លិបតែមួយគត់ដែលកំពុងផ្សារភ្ជាប់ទំនាក់ទំនងជាមួយ Messi ខ្លាំងជាងគេនោះគឺក្លិប Paris Saint-Germain ជាមួយគ្នានេះដែរក្លិបយក្សរបស់បារាំងមួយនេះក៏ជាក្លិបមួយដែល Alves បានទៅចូលរួមផងដែរ ក្រោយចាកចេញពីទឹកដី Camp Nou។
យោងតាមការសម្ភាសន៍ជាមួយកាសែត the Guardian អតីតខ្សែការពារស្លាបរបស់ក្រុមអ្នកមានបុណ្យ Alves បាននិយាយយ៉ាងដូច្នេះថា៖
ខ្ញុំធ្លាប់បានប្រាប់ Messi បីបួនដងដែរថា អាជីពជាកីឡាកររបស់គាត់គឺបានចាប់ផ្តើមនៅ Barcelona ហើយ Barcelona សឹងតែជាក្លិបរបស់គាត់ទៅហើយ។ គាត់ធ្លាប់បានផ្តល់ដំបូន្មានឱ្យខ្ញុំខ្លះៗដែរ មុនពេលដែលខ្ញុំធ្លាប់មានពេលវេលាដូចគាត់ពេលនេះអីចឹង។ ម្តងនោះគាត់បានប្រាប់ខ្ញុំថាឱ្យស្នាក់នៅបន្តទៅ ព្រោះថាមិនមានក្លិបណាដែលល្អប្រសើរជាងនេះទេ។ គាត់បានសួរខ្ញុំថា តើកន្លែងណាដែលអ្នកគិតថានឹងផ្តល់ក្តីសុខឱ្យអ្នក? ដូច្នេះអ្នកត្រូវតែស្នាក់នៅបន្ត៕
ប្រភព៖ Marca
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម:
https://t.me/khmerload
Bong I.T