បរទេស៖ ខ្សែបម្រើវ័យ២៦ឆ្នាំជម្រើសជាតិបារាំង Adrien Rabiot ចូលលេងឲ្យ Juventus បានច្រើនគួរសមនៅក្នុងរដូវកាល២០២០/២១នេះ ពោលបង្ហាញខ្លួនបាន៤១ប្រកួត ស៊ុតបាន៣គ្រាប់ និងបោះបាល់ឲ្យដៃគូបញ្ចប់ទីបាន១លើកផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញក្លិបដែលដឹកនាំដោយលោក Andrea Pirlo មួយនេះក៏កំពុងមានគម្រោងដាក់លក់រូបគេចេញផងដែរ នៅចុងរដូវកាលនេះ ដើម្បីអាចប្រមូលទុនបានខ្លះមកជួយស្រោចស្រង់ក្លិប ដែលកំពុងជួបវិបត្តិហិរញ្ញវត្ថុ។ ដោយឡែកបើតាមគេហទំព័រ Calciomercato បានឲ្យដឹងថាក្លិបតោខៀវ Chelsea បានចូលខ្លួនប្រជែងជាមួយនឹង Barcelona ក្នុងការចរចាទិញយក Rabiot ពី Juventus នៅរដូវក្ដៅខាងមុខនេះដែរហើយ។ ក្នុងនោះដែរ Juventus អាចនឹងដាក់តម្លៃខ្លួនខ្សែបម្រើរូបនេះប្រមាណជា៣២លានអឺរូ បើយោហតាមគេហទំព័រ Transfermarkt ៕
ប្រភព៖ sportsmole