អង់គ្លេស៖ ក្លិបបិសាចក្រហម Manchester United បានចរចាទុកជាមុនលើកិច្ចព្រមព្រៀងទិញយក ខ្សែការពារ Pau Torres ពីក្លិប Villarreal ហើយ នេះបើយោងតាមការរាយការណ៍។
ភាគីរបស់លោកគ្រូបង្វឹក Ole Gunnar Solskjaer បានព្យាយាមស្វះស្វែងរកដៃគូដែលអាចលេងត្រូវជើងគ្នាជាមួយប្រធានក្រុម Harry Maguire ហើយគោលដៅធំចម្បងគេគឺ Pau Torres នេះហើយ។
El Larguero បានប្រាប់ឲ្យដឹងថា Man UTD កំពុងមានអាទិភាពក្នុងការនាំយកកីឡាករសញ្ជាតិអេស្ប៉ាញរូបនេះនិងចង់ទិញយករូបគេឲ្យបានមុនព្រឹត្តិការណ៍បាល់ទាត់ Euro ឆ្នាំ ២០២០ ស្របពេល Real Madrid បានដកខ្លួនចេញពីការតាមប្រជែងនេះ។
តម្លៃផ្ដាច់កុងត្រារបស់ Torres គឺខ្ទង់ ៤៣.៤លានផោន(ស្មើនឹងប្រមាណ ៦០.៣លានដុល្លារ) និងអាចហក់ឡើងដល់ ៥៦.៤លានផោន(ស្មើនឹងប្រមាណ ៧៨.៤លានដុល្លារ) នៅរយៈពេល១៥ថ្ងៃចុងក្រោយនៃទីផ្សារដោះដូរកីឡាករនារដូវក្ដៅ។
ដូច្នេះហើយទើប Man UTD ព្យាយាមតាមចែចូវគេយកមក Old Trafford ឲ្យបានមុនកាលកំណត់នោះព្រោះមិនចងលចំណាយប្រាក់ច្រើននោះឡើយ៕
ប្រភព៖ thesun
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload