អត់ចេញទេមើលទៅ! សប្តាហ៍ក្រោយកីឡាកររូបនេះអាចនឹងបន្តកុងត្រាថ្មីជាមួយ Man UTD មួយរដូវកាលទៀត

អង់គ្លេស៖ បើយោងតាមគេហទំព័រ ESPN បានឲ្យដឹងថានៅសប្តាហ៍ក្រោយនេះខ្សែប្រយុទ្ធជើងចាស់ Edinson Cavani នឹងសម្រេចបន្តកិច្ចសន្យាថ្មីជាមួយក្លិបបិសាចក្រហម Manchester United មួយរដូវកាលទៀត។

គួរបញ្ជាក់ដែរថាមួយរយៈពេលមុននេះ មានដំណឹងលេចឮជាច្រើនថា Cavani អាចនឹងត្រូវចាកចេញទៅលេងឲ្យក្លិបនៅប្រទេសអាហ្សង់ទីន Boca Juniors នៅរដូវកាលក្រោយ ប៉ុន្តែពេលនេះរូបគេអាចនឹងមានភាគរយខ្ពស់ក្នុងការនៅលេងឲ្យ Man UTD មួយរដូវកាលទៀត។ ជាក់ស្តែងក្រោយផ្លាស់ចេញពីក្លិប Paris Saint-Germain មករួមជាមួយ Man UTD កាលពីឆ្នាំមុន Cavani ចូលលេងឲ្យលោកគ្រូបង្វឹក Ole Gunnar Solskjaer បាន៣៣ប្រកួត​ ស៊ុតបាន១២គ្រាប់ផងដែរ៕

ប្រភព៖ goal