Inter Milan ទាមទារប្រាក់ ១០៥ លានផោនពី Chelsea សម្រាប់ Romelu Lukaku

បរទេស៖ យោងតាមរបាយការណ៍មួយបានឱ្យដឹងថាក្លិប Inter Milan  ព្រមឱ្យ Romelu Lukaku ទៅក្រុមតោខៀវ Chelsea ក្នុងតម្លៃ ១០៥ លានផោន៕

កីឡាករខ្សែប្រយុទ្ធជនជាតិប៊ែលហ្សិករូបនេះបានតំណាងឱ្យក្រុមតោខៀវចន្លោះឆ្នាំ ២០១១ និង ២០១៤ ប៉ុន្តែរូបគេទើបតែបង្ហាញខ្លួនបាន ១៥ ប្រកួតប៉ុណ្ណោះ ហើយក៏បានបរាជ័យមុនពេលផ្លាស់ទៅក្រុម Everton។

ចាប់តាំងពីពេលដែល Lukaku បានបង្ហាញខ្លួននៅឯក្លិប Inter ក្រោមការដឹកនាំរបស់លោក Antonio Conte ប៉ុន្តែបើទោះបីជាបានឆ្លុះបញ្ចាំងពីការឈ្នះពានរង្វាន់របស់គាត់ជាក់ស្តែងមានក្លិបចំនួន២គឺ Chelsea ឬ Manchester City​ បានទាក់ទងទៅកីឡាកររូបនេះ។

បើយោងតាមគេហៈទំព័រ Daily Mail បានឱ្យដឹងថា ក្រុមតោខៀវ Chelsea បានកំណត់យកអតីតខ្សែប្រយុទ្ធរូបនេះជាគោលដៅកំពូលនៅរដូវកាលខាងមុខនេះ ប៉ុន្ដែក្រុម Iner មិនអនុញ្ញាតិអោយចេញទេបើតម្លៃទាបជាង៩ខ្ទង់នោះ។

នេះបើតាមរបាយការណ៍បានបន្ថែមទៀតថា ដោយសារការចរចារតម្លៃមិនត្រូវគ្នា ទើបក្លិប Inter មិនព្រមអោយ Lukaku ចេញពីក្លិបក្នុងតម្លៃថោកនោះទេ។ 

អតីតខ្សែប្រយុទ្ធរបស់បិសាចក្រហមរូបនេះបានចុះកុងត្រាជាមួយ ក្លិប Inter Milan រហូតដល់ឆ្នាំ ២០២៤ ហើយរូបគេបានរកគ្រាប់បាល់បាន ២៧ គ្រាប់និងជំនួយចំនួន ៨ លើកពីការបង្ហាញខ្លួន ៤០ លើកក្នុងរាល់ការប្រកួតទាំងអស់៕