អង់គ្លេស៖ កាលពីយប់ថ្ងៃទី៣០ខែមេសាកន្លងទៅនេះ ក្លិបបិសាចក្រហម Manchester United បានបើកទ្វារកីឡដ្ឋាន Old Trafford ស្វាគមន៍ក្រុមភ្ញៀវអ៊ីតាលី Roma ក្នុងការប្រកួតវគ្គពាក់កណ្ដាលផ្ដាច់ព្រ័ត្រពាន Europa League ជើងទី១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លទ្ធផលនៃការប្រកួតគឺ Man UTD លត់ក្រុមភ្ញៀវ ៦ ទល់នឹង ២ ដែល៦គ្រាប់នេះរកបានដោយ Bruno Fernandes ២គ្រាប់, Edinson Cavani ២គ្រាប់, Paul Pogba ១គ្រាប់ និង Mason Greenwood ១គ្រាប់ទៀត ខណៈខាង Roma រកបានដោយ Pellegrini និង Dzeko ។
ប៉ុន្តែអ្វីដែល Paul Scholes ដែលជាអតីតកីឡាកររបស់ Man UTD មិនពេញចិត្តខ្លាំងគឺការលេងរបស់ខ្សែបម្រើ Fred ដោយលោកបានចោទគេថា Fred មិនបានជួយអ្វីដល់ក្រុមទាល់តែសោះជាពិសេសគឺការការពាររបស់គេតែម្ដង។
នេះជាអ្វីដែល Fred គួរធ្វើ(គឺលេងការពារ) តួនាទីរបស់គេនៅក្នុងក្រុមគឺបញ្ឈប់ប្រភេទគ្រាប់បាល់ដែល Dzeko ស៊ុត។ ខ្ញុំគិតថាបើគិតពីខ្សែបម្រើទាំងអស់គឺ Fred រាងយ៉ាប់ជាងគេ ហើយសូម្បីនៅតំបន់ការពារក៏ Fred ធ្វើមិនបានល្អដែរ។ Fred អើយ សុំឈប់ទៅ។ គេពិតជាមិនបានជួយអ្វីទាល់តែសោះ។
គួរបញ្ជាក់ផងដែរថា ការប្រកួតជើងទី២រវាង Manchester United និង Roma នឹងធ្វើឡើងនៅថ្ងៃទី៧ ខែឧសភា វេលាម៉ោង២រំលងអាធ្រាត្រ៕
ប្រភព៖ metro
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload
Bong I.T