លេងនៅ PL មិនសូវកាក់កប! កីឡាករ Arsenal ម្នាក់បង្ហើបថាគេនឹងចាកចេញពីក្លិបនៅរដូវក្ដៅនេះ

អង់គ្លេស៖ ខ្សែបម្រើ Dani Ceballos នៃក្លិបអធិរាជស Real Madrid ដែលបច្ចុប្បន្នកំពុងលេងខ្ចីជើងនៅ Arsenal បានបង្ហើបឲ្យដឹងថាគេនឹងមិនបន្តការស្នាក់នៅទឹកដី Emirates នៅរដូវកាលក្រោយនោះឡើយ។

កីឡាករសញ្ជាតិអេស្ប៉ាញរូបនេះបានចំណាយពេលពីររដូវកាលលេងខ្ចីជើងនៅ Arsenal ប៉ុន្តែគេដឹងថាខ្លួនឯងមិនល្អគ្រប់គ្រាន់សម្រាប់ឲ្យលោកគ្រូបង្វឹក Mikel Arteta ទិញផ្ដាច់នោះឡើយទើបគេថាខ្លួនឯងនឹងធ្វើដំណើរត្រឡប់ទៅទឹកដី Madrid វិញនៅពេលឆាប់ៗខាងមុខ។

កីឡាករវ័យ២៤ឆ្នាំរូបនេះបានថ្លែងប្រាប់ Onda Cero ថា៖

បើសិនក្នុងករណី Ceballos ពិតជាចាកចេញពី Real Madrid វិញមែននោះ Arsenal នឹងត្រូវស្វែងរកខ្សែបម្រើបន្ថែមនៅរដូវក្ដៅខាងមុខខណៈដែលក្នុងក្រុមក៏មានកីឡាករល្អៗដូចជា Joe Willock និង Ainsley Maitland-Niles ផងដែរ។

គួររម្លឹកផងដែរថា Dani Ceballos ខ្ចីជើងនៅ Arsenal តាំងពីឆ្នាំ២០១៩ ដោយបង្ហាញខ្លួនបាន៤៧ប្រកួត ៕

ប្រភព៖ caughtoffside

ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖

https://t.me/khmerload