អាមេរិក៖ ខ្សែប្រយុទ្ធ Lionel Messi នៃក្លិបអ្នកមានបុណ្យ Barcelona ត្រូវបានគេរាយការណ៍ថាបានទិញយក អាផាតមិន មួយដែលមានតម្លៃ ៧.៣លានអឺរ៉ូ(ស្មើនឹងប្រមាណ៨.៨លានដុល្លារ) ដែលស្ថិតនៅទីក្រុង ម៉ាយអាមី រដ្ឋផ្លរីដា សហរដ្ឋអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាផាតមិនថ្មីនេះអាចឲ្យឃើញទេសភាពសមុទ្រខៀវស្រងាត់ត្រជាក់ភ្នែក ដែលសរុបទាំងអស់មានបន្ទប់គេង៤ , បន្ទប់ទឹក ៤ ឈរនៅលើឆ្នេរ Sunny Isles ដ៏ល្បីល្បាញ។
Messi ហាក់មានទំនោរស្រឡាញ់ទឹកដីសហរដ្ឋអាមេរិកជាខ្លាំងព្រោះកីឡាករសញ្ជាតិអាហ្សង់ទីនរូបនេះធ្លាប់បានទិញយកផ្ទះល្វែងមានចំណតឡានផ្ទាល់ខ្លួននៅអគារ Porsche Design Tower ម្ដងរួចមកហើយកាលពីឆ្នាំ២០១៩ ក្នុងតម្លៃ៥លានអឺរ៉ូ(ស្មើនឹងប្រមាណ៦លានដុល្លារ)។
យោងតាម Real Estate Business គឺអាផាតមិនថ្មីដែល Messi បានទិញនេះអាចឲ្យឃើញទេសភាពសមុទ្របានដល់ទៅ៣៦០ដឺក្រេ ដែលសរុបផ្ទៃក្រឡាខាងក្នុងមានទំហំ ៥១១ ម៉ែត្រការ៉េ និងទំហំនៅរានហាលខាងក្រៅគឺដល់ទៅ ១៩៥ម៉ែត្រការ៉េ។
ក្រុមហ៊ុន Celromalina LLC បានបង្ហើបឲ្យដឹងថាអ្នកបញ្ជាទិញយកគឺគ្រួសាររបស់ Messi ដោយលក្ខណៈពិសេសបំផុតរបស់អាផាតមិននេះគឺមានបន្ទប់ដាក់ស្រាដល់ទៅ ១០០០ដប, អាងហែលទឹកចំនួន៦ ,កន្លែងស្ប៉ា,កន្លែងហាត់ប្រាណ, បន្ទប់ហាត់យូហ្កា, ទីធ្លាក្មេងលេង, ចង្ក្រានបាយនិងបន្ទប់ផឹកស្រាសាំប៉ាញផងដែរ។
ការទិញផ្ទះនៅសហរដ្ឋអាមេរិកនេះ អាចបញ្ជាក់បានហើយថា Messi ទំនងជាចង់ទៅលេងនៅ MLS ដូចដែលគេធ្លាប់និយាយពិតមែន៕
ប្រភព៖ marca