ភ្នំពេញ: ថ្មីៗនេះ កំឡុងពេលដែលប្រជាជននៅក្នុងក្រុងភ្នំពេញកំពុងតែជួបប្រទះនឹងការលំបាក ក្នុងកំឡុងពេលនៃការបិទខ្ទប់ដោយសារតែជំងឺកូវីដ១៩ លោកឧកញ៉ា ចិត្តធម៌ ឡេងណាវ៉ាត់ត្រា បានសម្រេចលក់អង្ករព្រមទាំងត្រីខក្នុងតម្លៃថោកដើម្បីអាចជួយសម្រួលបន្ទុកខ្លះៗដល់ប្រជាពលរដ្ឋដែលកំពុងជួបការលំបាក និងកំពុងមានតម្រូវការចំបាច់ខាងស្បៀងអាហារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែយ៉ាងណាមិញ កាលពីពេលថ្មីៗនេះ លោកឧកញ៉ា ឡេងណាវ៉ាត់ត្រា យោងតាមគណនីហ្វេសប៊ុករបស់លោកបានបង្ហោះដោយបានធ្វើការសុំទោសដល់សប្បុរសជនដែលមានបំណងបញ្ជាទិញអង្ករក្នុងកម្រិតច្រើនយ៉ាងដូច្នេះថា÷
សុំសំពះអភ័យទោសទៅដល់ពុកម៉ែបងប្អូន ក្នុងការបញ្ជាទិញអង្ករ ចំនួនច្រើនដើម្បីធ្វើការងារមនុស្សធម៌ផ្សេងៗ ក្រុមការងារមិនអាចលក់ជូនបានទេ។🙏🙏 ក្រុមការងារមានការលំបាក មកដល់ពេលនេះយើងបានបង្កើតការដឹកជញ្ជូនចំនួនឃ្លាំង ៤គោលដៅទៅហើយ។ យើងខ្ញុំអាចលក់បានតែប្រជាជនតិចតាមខ្នងផ្ទះតាមគ្រួសារយកទៅហូបជាក់ស្ដែងដែលមានកាខ្វះខាតបុណ្ណោះ🙏🙏🙏ព្រោះក្រុមកាងារអាចដឹកចេញមួយថ្ងៃបានត្រឹមតែ ១០០ ទៅ២០០ តោនទេ គឺមមាញឹកពេកទៅហើយ។បុគ្គលិកយើងប្រថុយ និងធ្វើការដោយប្រយ័ត្នប្រយែងបំផុតក្នុងការការពារសុវត្ថិភាពនៃជំងឺឆ្លង ។ខ្ញុំបាទដឹងថាបងៗនិងក្រុមការងារគ្រប់ជាន់ថ្នាក់ប្រហែលជាអន់ចិត្តនឹងខ្ញុំហើយឲ្យខ្ញុំសុំទោសផង🙏🙏🙏
សូមរំលឹកផងដែរដើម្បីជួយសម្រួលដល់បញ្ហាជីវភាពរបស់ប្រជាពលរដ្ឋដែលជួបការលំបាក លោកឧកញ៉ាចិត្តបុណ្យឡេងណាវ៉ាត់ត្រាបានចូលរួមចំណែកក្នុងការលក់អង្ករជូនដល់ប្រជាពលរដ្ឋក្នុងតម្លៃត្រឹមតែ៧៦០០០រៀលក្នុង១បាវ៥០គីឡូក្រាម ដែលទទួលបានការសាទរយ៉ាងខ្លាំងពីសំណាក់ប្រជាជនទូទៅ៕
Bong I.T