មកមើលទិដ្ឋភាពសារមន្ទីរការ៉េម ដែលសិង្ហបុរីនឹងបើកដំណើរការ នៅខែសីហាខាងមុខនេះ

សិង្ហបុរី៖ ប្រទេសសិង្ហបុរី នឹងបើកដំណើរការ សារមន្ទីរការ៉េម នៅខែសីហា ឆ្នាំ២០២១ខាងមុខនេះ ដែលលាតសន្ធឹងលើផ្ទៃដី ៦០,០០០ ហ្វីតការ៉េ និងបែងចែកចេញជា១៤ស្តង់ ក្នុងតំបន់កម្សាន្ត Dempsey។

នៅក្នុងសារមន្ទីរការ៉េម គេបានសាងសង់បញ្ចូលដោយមាន កន្លែងក្មេងជិះទោងលេង ព្រៃពណ៌ផ្កាឈូកនិងលឿង ដែលមានដើមចេក១០,០០០ដើម រួមទាំងអាងទឹកមានលម្អកម្ទេចស្នោរទន់ៗជាដើម។ ហើយទន្ទឹមនឹងនេះ មានការលាបជញ្ជាំងពណ៌ចម្រុះយ៉ាងស្រស់ស្អាតជាខ្លាំង ដែលមើលទៅប្លែកភ្នែក និងទាក់ទាញផងដែរ។

ចំពោះសំបុត្រសម្រាប់ចូលទស្សនាកម្សាន្ត មានតម្លៃចាប់ពី៣៨ដុល្លារសិង្ហបុរី (ប្រមាណ២៨ដុល្លារអាមេរិក) ក្នុងម្នាក់ បានដាក់លក់តាមអនឡាញកាលពីថ្មីៗនេះ និងលក់អស់គ្មានសល់ក្នុងរយៈត្រឹមតែ៤៨ម៉ោងប៉ុណ្ណោះ។ យ៉ាងណាមិញ ខាងសារមន្ទីរសារ៉េម នឹងដាក់លក់សំបុត្របន្ថែមទៀត សម្រាប់ចូលទស្សនានៅខែកញ្ញា ហើយចំណែកក្មេងៗក្រោមអាយុអាយុ២ឆ្នាំ អនុញ្ញាតឲ្យចូល ដោយមិនគិតថ្លៃ៕

សូមទស្សនារូបភាពគំរូនៃសារមន្ទីរការ៉េមខាងក្រោមនេះ៖