អឺរ៉ុប៖ ដូចដែលដឹងហើយថា ពិភពបាល់ទាត់ពេលនេះកំពុងប្រឈមនឹងស្ថានភាពជ្រួលច្របល់ខ្លាំងណាស់បន្ទាប់ពីមានការប្រកាសបង្កើត European Super League ជាផ្លូវការដែលការប្រកួតនេះមានក្លិបធំៗនៅអឺរ៉ុបចំនួន១២ចូលរួមគឺ Real Madrid, Barcelona, Atletic Madrid, Chelsea, Manchester United, Manchester City, Tottenham Hotspur, Arsenal,Liverpool, Inter Milan,AC Milan និង Juventus ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបញ្ហាចម្រូងចម្រាសបានកើតឡើងទន្ទឹមគ្នានេះដែរដោយ UEFA, FIFA ,La Liga, Serie A, Premier League បានប្រកាសថាក្លិបណាដែលចូលរួមប្រកួតក្នុងលីគថ្មីនេះនឹងត្រូវហាមឃាត់មិនឲ្យចូលលេងនៅ Champions League, FIFA World Cup និងការប្រកួតឲ្យក្រុមជម្រើសជាតិឡើយ។
ប៉ុន្តែអ្វីដែលគួរឲ្យចាប់អារម្មណ៍ទាក់ទងនឹង European Super League នេះគឺក្លិបទាំងអស់ដែលចូលរួមនឹងទទួលបានប្រាក់កំរៃមហាសាលដល់ទៅ ៣.៥លានកោដអឺរ៉ូ (ស្មើនឹង ៤.២កោដដុល្លារ)ឯណោះដែលធនាគារ JP Morgan ជាអ្នកទទួលរ៉ាប់រងលើថ្លៃចំណាយនេះ។
យ៉ាងណាមិញក្លិបដែលឈ្នះពាន European Super League នេះអាចទទួលបានប្រាក់រង្វាន់ដល់ទៅជិត ៤០០លានអឺរ៉ូ (ស្មើនឹងប្រមាណ៤៨១លានដុល្លារ)ឯណោះ ដែលច្រើនជាងប្រាក់រង្វាន់ន UEFA Champions League ដល់ទៅបីដង ពោលគឺសម្រាប់អ្នកឈ្នះ UCL ទទួលបានតែ ១២០លានអឺរ៉ូ(ស្មើនឹងប្រមាណ១៤៤.៤លានដុល្លារ)ប៉ុណ្ណោះ។
ដូច្នេះគេអាចនិយាយបានថា ប្រាក់រង្វាន់ដ៏ច្រើនសន្ធឹកសន្ធាប់នេះអាចជាគ្រឿងទាក់ចិត្តក្លិបធំៗនៅអឺរ៉ុបខណៈវិបត្តិសេដ្ឋកិច្ចកំពុងកើតមានលើក្លិបអស់ទាំងនោះដោយសារជំងឺកូវីដ១៩៕
ប្រភព៖ marca