លោកគ្រូ Solskjaer បង្ហើបថាក្លិបកំពុងចរចាបន្តកុងត្រាដល់កីឡាករម្នាក់នេះ

អង់គ្លេស៖ លោកគ្រូបង្វឹក Ole Gunnar Solskjaer បានចេញមុខបដិសេធរឿង ខ្សែការពារ Eric Bailly មិនសប្បាយចិត្តនឹងការស្នាក់នៅទឹកដី Old Trafford និងបានបង្ហើបទៀតថា Manchester United កំពុងស្ថិតក្នុងការចរចាបន្តកិច្ចសន្យាដល់រូបគេ។

ថ្មីៗនេះមានព័ត៌មានចចាមអារ៉ាមមួយផ្ទុះឡើងថា Bailly មិនបន្តកុងត្រាថ្មីជាមួយក្លិបនោះឡើយដោយសារតែខឹងសម្បារនឹង Solskjaer រឿងលោកគ្រូមិនដាក់ឲ្យគេចូលលេងក្នុងការប្រកួតទល់នឹង AC Milan នៅក្របខណ្ឌ Europa League ។

Bailly បង្ហាញខ្លួនក្នុងការប្រកួតក្របខណ្ឌ Premier League បានតែ១ប្រកួតគត់នៅរដូវកាលនេះ ខណៈដែលកុងត្រារបស់គេនឹងផុតកំណត់នៅឆ្នាំ២០២២នេះហើយ។

យ៉ាងណាមិញ Eric Bailly នៅតែត្រូវប្រឈមនឹងការប្រកួតប្រជែងខ្លាំងបើសិនបន្តស្នាក់នៅទីនេះទៀតព្រោះក្លិបមានគម្រោងទិញយកខ្សែការពារមកបន្ថែមទៀត ប៉ុន្តែលោកគ្រូបង្វឹក Ole Gunnar Solskjaer បានច្រានចោលព័ត៌មានចចាមអារ៉ាមនោះ។

ពេលសួរនាំដល់ Bailly លោកគ្រូបង្វឹកសញ្ជាតិន័រវេសរូបនេះបានឆ្លើយថា៖

គួរបញ្ជាក់ផងដែរថាពេលនេះ កីឡាករវ័យ២៧ឆ្នាំរូបនេះមិនទាន់អាចត្រឡប់មកចូលលេងវិញបានឡើយដោយសារតែកំពុងសម្រាកព្យាបាលជំងឺកូវីដ១៩ ខណៈដែលក្រុម Manchester United ត្រូវប៉ះ Roma នៅវគ្គពាក់កណ្ដាលផ្ដាច់ព្រ័ត្រពាន Europa League ៕

ប្រភព៖ metro