Koeman បានចូលកាន់តំណែងនៅ Barceona កាលពីឆ្នាំមុនប៉ុន្តែទោះបីជារដូវកាលដំបូងមានលក្ខណៈ​លើកទឹក​ចិត្តក៏ដោយ ក៏តំណែងរបស់គាត់មិនប្រាកដប្រជាទេ បន្ទាប់ពីការមកដល់របស់ប្រធានក្លឹបថ្មីលោក Joan Laporta

ទាក់ទងនឹងការប្រកួតវគ្គផ្តាច់ព្រ័ត្រពានរង្វាន់ Copa Del Rey ជិតមកដល់ផងនោះលោក Koeman បានថ្លែង​កាល​ពីថ្ងៃសុក្រថា ៖ "ខ្ញុំហាក់បីដូចជាប្លែកបន្តិចដែលខ្ញុំចាំបាច់ត្រូវតែឆ្លើយសំណួរបែបនេះនោះ ព្រោះខ្ញុំបានដឹកនាំ​ក្រុមឆ្លងកាត់១៩ប្រកួតមិនដែលចាញ់ទាល់តែសោះ ។ យើងគ្រាន់តែចាញ់មួយប្រកួតប៉ុណ្ណោះហេតុអ្វីខ្ញុំត្រូវគិតពីលទ្ធផលអនាគតរបស់ខ្ញុំ ? ប្រហែលជាខ្ញុំមិនអាច​ទទួលយកវាបានទេ ខ្ញុំនៅសល់កុងត្រាមួយឆ្នាំទៀតជាមួយក្លឹប ខ្ញុំដឹងថាវាជាសម្ពាធដ៏ធំមួយ ហើយខ្ញុំអាចរ៉ាប់រង​វាបាន ប៉ុន្តែពេលខ្លះវាហាក់ដូចជាប្លែបបន្តិចហើយ  " ។

អ្នកកាសែតបានសួរបន្តរទៀត ថាតើលោក Koeman នឹងធ្វើការគាំទ្រប្រធានក្លឹបថ្មី Joan Laporta ជាសាធារណៈ ឬយ៉ាងណា លោក Koeman បានតបវិញថា ៖ "ខ្ញុំមិនចាំបាច់អីត្រូវនិយាយបែបហ្នឹងនៅគ្រប់សន្និសិទ្ធនោះទេ គាត់[Laporta] បានបង្ហាញឲ្យខ្ញុំឃើញអំពីទំនុកចិត្តរបស់គាត់ ខ្ញុំដឹងថាខ្ញុំកំពុងនៅកន្លែងណា។ បើទោះជាកំពុង​តែ​មានបញ្ហាហិរញ្ញវត្ថុនៅ Barcelona ក្តី អ្នកត្រូវតែរកជ័យជំនះឲ្យបាន " ។

គួរឲ្យដឹងផងដែរថា Barcelona នឹងត្រូវប៉ះ Athletic Bilbao នៅយប់ថ្ងៃទី១៨ នៅវេលាម៉ោង 2:30 នាទីរំលង​អាធ្រាត​ ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ