អេស្ប៉ាញ៖ យោងតាមប្រភពព័ត៌មានក្នុងប្រទេសអេស្ប៉ាញបានឲ្យដឹងថា ក្លិបហង្សក្រហម Liverpool បានត្រៀមរួចរាល់ក្នុងការដកលុយពីធនាគារ ចុះហត្ថលេខាយកខ្សែប្រយុទ្ធស្លាបរបស់ក្រុមអ្នកមានបុណ្យ Barcelona កីឡាករ Ousmane Dembele ក្នុងការជំនួសម្ចាស់អាវលេខ១០ Sadio Mane ។

Mane ហាក់ធ្លាក់ទម្រង់លេងក្នុងរដូវកាលនេះ ពោលគិតក្នុងឆ្នាំ២០២១​ គេទើបរកបាន៥គ្រាប់ប៉ុណ្ណោះ។ ជាមួយគ្នានេះ ក្លិប Liverpool ត្រូវបានគេរាយការណ៍មកថា កំពុងពិចារណាបញ្ចេញ Mane ក្នុងនោះ ក៏បានសម្លឹងបេក្ខភាពដែលត្រៀមយកមកជំនួសរួចស្រេច។

ជាក់ស្ដែង បើតាមរបាយការណ៍របស់កាសែត  Fichajes.net គោលដៅដែល Liverpool សម្លឹងឃើញនោះ គឺខ្សែប្រយុទ្ធស្លាបសញ្ជាតិបារាំង កីឡាករ Dembele ។

គួរបញ្ជាក់ដែរថា កុងត្រារបស់ Dembele ជាមួយ Barca នៅមានសុពលភាពត្រឹម១ឆ្នាំទៀតប៉ុណ្ណោះ ខណៈរូបគេនៅមិនទាន់ឈានដល់កិច្ចព្រមព្រៀងបន្តកុងត្រាថ្មីជាមួយក្លិយក្សតំបន់កាតាឡាន់នៅឡើយ។ ដោយមើលឃើញឱកាសនេះ ទើប Liverpool  ចង់ឆ្លៀតទៅបញ្ចុះបញ្ចូលយកអតីតកីឡាករក្រុម Dortmund រូបនេះ មកកាន់ទឹកដី Anfield ៕

កីឡាករ Dembele

ប្រភព៖: mirror

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ