កីទ្បា
១៧-មេសា-២០២១ ២ល្ងាច · ៣ ឆ្នាំមុនលោកគ្រូ Arteta ដាស់តឿនខ្សែប្រយុទ្ធរូបនេះឲ្យរក្សាទម្រង់លេងឲ្យបានល្អ
អង់គ្លេស៖ លោកគ្រូបង្វឹក Mikel Arteta នៃក្លិបកាំភ្លើងធំ Arsenal បានដាស់តឿនខ្សែប្រយុទ្ធ Nicolas Pepe ថាលោកគ្រូនឹងមិនដាក់ឲ្យគេចូលលេងនោះឡើយបើសិនជាគេធ្លាក់ទម្រង់លេងម្ដងទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស ខ្សែប្រយុទ្ធ Nicolas Pepe
កាលពីពីរឆ្នាំមុន Pepe បានផ្ទេរពីក្លិប Lille មកកាន់ទឹកដី Emirates ក្នុងតម្លៃខ្លួនដល់ទៅ ៧២លានផោន(ស្មើនឹងប្រមាណ៩៩.៦លានដុល្លារ) ប៉ុន្តែគេមិនបានលេងល្អដូចការរំពឹងទុករបស់លោកគ្រូនិងអ្នកគាំទ្រនោះឡើយ។
ខ្សែប្រយុទ្ធ Nicolas Pepe យ៉ាងណាមិញ លោកគ្រូ Arteta នៅតែសង្ឃឹមថា Pepe នឹងលេងល្អឲ្យសមនឹងតម្លៃខ្លួនរបស់គេ បន្ទាប់ពីកីឡាករវ័យ២៥ឆ្នាំរូបនេះរួមចំណែកស៊ុត១គ្រាប់ជួយឲ្យ Arsenal យកឈ្នះ Slavia Prague ៤ទល់នឹង០ ក្នុងពាន Europa League កន្លងទៅនេះដែលនោះជាគ្រាប់បាល់ទី១០របស់គេនៅរដូវកាលនេះ។
ខ្សែប្រយុទ្ធ Nicolas Pepe ក្នុងការប្រកួតទល់នឹង Slavia Prague ខ្សែប្រយុទ្ធ Nicolas Pepe និងលោកគ្រូបង្វឹក Mikel Arteta លោកគ្រូ Arteta បានថ្លែងថា៖
ពួកយើងគ្រប់គ្នាសុទ្ធតែដឹងថា Nico មានសមត្ថភាពដ៏អស្ចារ្យ ដើម្បីជោគជ័យនៅទីនេះហើយពួកយើងរីករាយនឹងជួយជ្រោមជ្រែងគេ។ ប៉ុន្តែវាក៏អាស្រ័យលើខ្លួនគេដែរព្រោះគេត្រូវការគំនិតនិងឆន្ទៈមួយជម្រុញឲ្យគេអាចសម្រេចវាបាន។ អ្វីដែលគេបានបង្ហាញពួកយើងនៅប៉ុន្មានប្រកួតចុងក្រោយនេះ គឺជាអ្វីដែលពួកយើងចង់ឃើញ។ ហើយបើសិនគេប្ដូរមកលេងអន់ជាងនោះអ៊ីចឹងគេនឹងមិនអាចបានចូលលេងទេ។ អ្វីដែលល្អបំផុតសម្រាប់ Nico គឺគេត្រូវស្វែងយល់ថាគេត្រូវធ្វើអីខ្លះ នៅពេលដែលគេមិនត្រូវបានកោះហៅឲ្យចូលលេង និងត្រូវព្យាយាមប្រឹងប្រែងបន្ថែមទៀតនៅពេលគេបានចូលលេង។ គេត្រូវការពេលវេលាសម្របជាមួយក្រុមបន្ទាប់ពីផ្ទេរពីលីគនៅបារាំងប៉ុន្តែពេលវេលានោះបានអស់ហើយ ពួកយើងមិនអាចនិយាយពីការសម្របខ្លួនរបស់គេបានទៀតទេ។ ឥលូវនេះគេត្រូវតែប្រឹងប្រែងបង្ហាញសមត្ថភាពខ្លួនឯង។ Nico មានមិត្តរួមក្រុម គ្រូបង្វឹក និងបុគ្គលិកក្លិបច្រើនណាស់ដែលរង់ចាំគាំទ្រគេដូច្នេះគេមិនអាចយកលេសណាមួយទៀតនោះឡើយ៕
លោកគ្រូបង្វឹក Mikel Arteta លោកគ្រូបង្វឹក Mikel Arteta ប្រភព ៖ thesun