វ៉ាក់សាំងSinovac ចំនួន៥០ ម៉ឺនដូស ដែលរាជរដ្ឋាភិបាលកម្ពុជា បានបញ្ជាទិញពីភាគីចិន បានដឹកមកដល់កម្ពុជា នាព្រឹកថ្ងៃនេះហើយ

រាជធានីភ្នំពេញ៖ នាព្រឹកថ្ងៃទី១៧ ខែមេសា ឆ្នាំ២០២១នេះ វ៉ាក់សាំង Sinovac ដែលរាជរដ្ឋាភិបាលកម្ពុជា បានបញ្ជាទិញ​ពីភាគីចិន ចំនួន៥០ម៉ឺនដូសបន្ថែមទៀត បានដឹកមកដល់អាកាសយានដ្ឋានអន្តរជាតិរាជធានីភ្នំពេញ ហើយ។  

យោងតាមការបញ្ជាក់ឱ្យដឹងនៅលើផេកហ្វេសប៊ុកផ្លូវការពីស្ថានទូតសាធារណរដ្ឋប្រជាមានិតចិនប្រចាំកម្ពុជា បានឱ្យដឹងដែរថា ទោះបីជាប្រទេសចិនស្ថិតក្នុងស្ថានភាពដែលមានតម្រូវការវ៉ាក់សាំងក៏ដោយ ក៏នៅតែបន្តផ្តល់ទៅតាមតម្រូវការបញ្ជាទិញរបស់ភាគីកម្ពុជាដែរ។ នេះបានបង្ហាញយ៉ាងច្បាស់អំពីចំណងមិត្តភាពដែកថែបប្រៀបដូចបងប្អូនរវាងប្រទេសទាំងពីរ។ សង្ឃឹមថាវ៉ាក់សាំងចិនអាចរួមចំណែកយ៉ាងសកម្មជូនដល់ប្រជាជនកម្ពុជាក្នុងកិច្ចការប្រយុទ្ធប្រឆាំងជំងឺវីរុសកូវីដ-១៩៕