ចង់បានស្នេហាមួយដែលសមប្រកប អ្នកគួរចេះរឿង ៥ យ៉ាងនេះសិន

ស្នេហាមួយដែលរឹងមាំ ហើយអាចបន្តស្រលាញ់គ្នារហូតចាស់កោងខ្នោងបានមិនមែនជារឿងងាយនោះទេ វាត្រូវការពេលវេលាភាពអំណត់បូករួមនឹងទិចនិចផ្សេងៗដែលមនុស្សម្នាក់ៗមាន។ហើយនៅថ្ងៃនេះយើងនឹងលើយកកត្តា៥យ៉ាង ដែលជំរុញឲ្យអ្នកជោគជ័យលើវិថីស្នេហា។

៥. ត្រូវរៀនប្រើពាក្យសុំទោសឲ្យបានច្រើន

គ្រាន់តែសុំទោសសោះមានទៅខាតអី បើស្រលាញ់គ្នាបម្រុងធ្វើគូអនាគតហើយទៅចង់ឈ្នះចង់ចាញ់គ្នាម្ល៉េះ បើគ្រាន់តែសុំទោសអាចបញ្ចប់បញ្ហាបាននោះ និយាយទៅមិនខាតអីទេ។

៤. ឈ្លោះគ្នាបែបសីលធម៌

រកហេតុផល ព្យាយាមរកដំណោះស្រាយជារួម។ បើរវល់តែចង់ឈ្នះរៀងខ្លួន បានអ្នកណាធ្វើចាញ់ទៅ? នៅពេលមានការឈ្លោះប្រកែកគ្នាត្រូវប្រាកដថាអ្នកទាំងពីរចេះវែកញែករកហេតុផល ដើម្បីធ្វើការដោះស្រាយ។

៣. ធ្វើរឿងល្អៗជាមួយគ្នា

កុំធ្វើការច្រើនពេក ឬសប្បាយជាមួយមិត្តភក្ដិច្រើនពេករហូតដល់ភ្លេចមនុស្សជាទីស្រលាញ់របស់អ្នក។ បង្កើតភាពផ្អែមផ្ហែមជាមួយគ្នាឲ្យបានច្រើន ដើម្បីជាចំណងរឹតឲ្យស្នេហាមួយនេះបានយូរអង្វែង។

២. មានពាក្យអរគុណលើដៃគូ

គ្រប់សកម្មភាពឬទង្វើដែលដៃគូបានធ្វើមកលើអ្នកវាសុទ្ធសឹងតែជារបស់សែនមានតម្លៃ។ គ្រាន់តែពាក្យអរគុណមួយម៉ាត់មិនមែនជារឿងធំសម្រាប់អ្នកនោះទេ មែនអត់?

១. សរសើរ និងលើកទឹកចិត្ត

សួរនាំអំពីការងារឬភារកិច្ចរបស់គាត់ជារឿយ នេះជាទង្វើបែបយកចិត្តទុកដាក់ទោះជាគាត់ប្រាប់ថាការងារនោះល្អឬមិនរលូនក៏ដោយ តែអ្នកគប្បីចេះប្រើពាក្យលើកទឹកចិត្តនឹងស្ងើចសរសើរលើស្នាដៃរបស់គាត់៕