បរទេស៖ កីឡាករម្នាក់របស់ក្រុមកាំភ្លើងធំ Asernal គឺ កីឡាករ Lukas Torreira បានប្រាប់ទៅគ្រូបង្វឹករបស់ខ្លួនគឺលោក Mikel Arteta និង ក្លិបកាំភ្លើងធំ Asernal ថា សូមអនុញ្ញាតឱ្យក្លិប Boca Juniors ខ្ចីយករូបគេពីក្លិប Asernal ដោយរូបគេបាននិយាយថា ខ្ញុំចង់ទៅលេងនៅទីនោះនាពេលឥលូវនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករអាហ្សង់ទីនរូបនេះបានរួមរស់នៅជាមួយក្លិបប្រទេសអេស្ប៉ាញ Atlectico Madridនៅរដូវកាលនេះ ប៉ុន្តែនាពេលបច្ចុប្បន្នរូបគេមានបំណងចង់ផ្លាស់ទៅចូលរួមជាមួយក្រុមនៅប្រទេសអាហ្សង់ទីននៅចុងបញ្ជប់នារដូវកាល ២០២០-២០២១ ។ ជាងនេះទៅទៀតខ្សែបម្រើ Lucas Torreira របស់ក្លឹបកាំភ្លើងធំ Arsenal បានបញ្ជាក់ជាថ្មីពីការចង់ចាកចេញពីក្រុមកាំភ្លើងធំ និងចូលរួមជាមួយក្រុម Boca Juniors ។
គួរបញ្ជាក់ផងដែរថា កីឡាករវ័យ ២៥ ឆ្នាំរូបនេះត្រូវបានខ្ចីជើងជាមួយ Atletico Madrid សម្រាប់រដូវកាល ២០២០-២១ ប៉ុន្តែត្រូវបានក្រុមរបស់លោក Diego Simeone ប្រើប្រាស់តិចតួចបំផុតដោយសារតែការបង្ហាញខ្លួនភាគច្រើនរបស់គាត់គឺស្ថិតនៅក្នុងកៅអីបម្រុង។ កីឡាករ Lukas Torreira ហាក់មិនមានអនាគតសម្រាប់ខ្លួនគាត់នៅឯកីឡដ្ឋាន Emirates ហើយបានបង្ហាញពីបំណងចង់ទៅប្រទេសអាហ្សង់ទីនក្នុងកិច្ចព្រមព្រៀងខ្ចីជើងដោយសារតែផលវិបាកហិរញ្ញវត្ថុពាក់ព័ន្ធនឹងការផ្ទេរអចិន្រ្តៃយ៍៕