សំណើផ្លូវការ! ទីបំផុត Juventus ដាក់សំណើផ្លូវការមុនគេក្នុងការផ្ទេរយកជើងស៊ុតរបស់ Man City រូបនេះទៅរួមក្រុម

បរទេស៖ ក្រោយលេចឮដំណឹងថាខ្សែប្រយុទ្ធជើងចាស់ Sergio Aguero នឹងត្រូវចាកចេញពីក្លិប Manchester City ដោយគ្មានតម្លៃខ្លួននៅចុងរដូវកាលនេះ មានក្លិបធំៗជាច្រើនបានសម្តែងការចាប់អារម្មណ៍ចង់បានតារាជើងស៊ុតរូបនេះទៅរួមក្រុម។

ក្នុងនោះបើតាមគេហទំព័រ El Chiringuito បានឲ្យដឹងថាក្លិបយក្សអ៊ីតាលី Juventus បានធ្វើការដាក់សំណើផ្លូវការមុនគេមុនឯង ក្នុងការផ្ទេរយក Aguero ទៅរួមក្រុម ដោយគ្រោងនឹងចុះកុងត្រារយៈពេល២រដូវកាលឲ្យរូបគេ។ ប៉ុន្តែបើតាមសេចក្ដីរាយការណ៍បានបន្ថែមទៀតថាកីឡាករវ័យ៣២ឆ្នាំរូបនេះ ហាក់ដូចជាមានបំណងចង់ផ្លាស់ទៅរួមជាមួយមិត្តរួមក្រុមជម្រើសជាតិអាហ្សង់ទីនគឺកីឡាករ Lionel Messi នៅក្លិប Barcelona ច្រើនជាង៕

ប្រភព៖ goal