លោក​ Thomas Tuchel សប្បាយរីករាយចំពោះការប្រយុទ្ធរបស់ Chelsea លើ​ Porto

បរទេស៖ ក្រុមតោខៀវ​ Chelsea​ ដែលមកពីប្រទេសអង់គ្លេសបានឈានទៅវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ជាមួយនឹងវិធីសាស្រ្តការពារខ្លួន និង​ប្រយុទ្ធនឹងគូរប្រយុទ្ធដែលមកពីប្រទេសព័រទុយហ្កាល់ ។

លោក Thomas Tuchel បានទទួលស្គាល់ថាជោគជ័យរបស់ក្រុមខ្លួនក្នុងការប្រកួតជើងទី ២ របស់ Chelsea ទល់នឹង Porto កាលពីថ្ងៃអង្គារប្រហែលជាមិនមានភាពទាក់ទាញសម្រាប់ទស្សនិកជនភាគច្រើននោះទេប៉ុន្តែលោកបាននិយាយថាលោករីករាយនឹងមើលពីរបៀបដែលក្រុមរបស់លោកអនុវត្តផែនការ និងយុទ្ធសាស្ត្ររបស់លោក។

គួរបញ្ជក់ផងដែរថា​ ការប្រកួតកាលពីយប់មិញនេះ មានគ្រាប់បាល់តែមួយគត់ដែលកើតឡើងដោយក្រុម​ Porto​ នៅនាទីទី៩៣​ តាមរយះការស៊ុតបញ្ជូលទីរបស់កីឡាករ Mehdi Taremi​ ធ្វើឱ្យក្រុម Porto​ យកឈ្នះក្រុម Chelsea​ ក្នុងលទ្ធផល 1-0​ ។​​ ក៏ប៉ុន្តែក្រុមតោខៀវ Chelsea បានឡើងទៅវគ្គពាក់កណ្តាលផ្តាច់ព្រាត់ដោយសារតែគ្រាប់បាល់ទាំងពីរជើង 2-1​​ ។ លោក Thomas Tuchel បានហៅការស៊ុតបញ្ជូលទីរបស់ Taremi ថាជាសំណាងហើយបាននិយាយថាបើនិយាយពីតោខៀវ Chelsea គឺមិនមានភាពល្អឥតខ្ចោះនៅក្នុងការលេងរបស់ពួកគេនៅជើងទី២នេះ៕