អង់គ្លេស៖ លោក Glenn Hoddle ចង់ឲ្យលោកគ្រូបង្វឹក Gareth Southgate កោះហៅខ្សែប្រយុទ្ធ Mason Greenwood ឲ្យចូលក្រុមជម្រើសជាតិអង់គ្លេស សម្រាប់ការប្រកួតនៅព្រឹត្តិការណ៍ Euro 2020 ខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកក៏បានបន្ថែមទៀតថាទោះមិនឲ្យគេចូលលេងជាជម្រើស១១នាក់ដំបូង ក៏គួរតែដាក់ឈ្មោះឲ្យគេបានអង្គុយកៅអីបម្រុងដើម្បីរកឱកាសប្ដូរចូលព្រោះ Greenwood ពិតជាមានសមត្ថភាពនិងពូកែខាងបញ្ចប់ទី។
Mason Greenwood ទើបតែស៊ុត១គ្រាប់នៅចុងម៉ោងជួយឲ្យ Manchester United យកឈ្នះ Tottenham Hotspur ៣ ទល់នឹង ១ ទាំងដែលទើបតែត្រូវលោកគ្រូបង្វឹក Ole Gunnar Solskjaer ប្ដូរចូលនៅនាទីទី៧២ ដែលឆ្លុះបញ្ចាំងឲ្យពីទេពកោសល្យរបស់គេ។
សម្រាប់ ការលេងនៅក្រុមជម្រើសជាតិអង់គ្លេសវិញគឺ Greenwood ត្រូវកោះហៅឲ្យចូលលេងនៅឈុតធំកាលពីឆ្នាំមុនប៉ុន្តែដោយសារមានរឿងអាស្រូវផ្លូវភេទនៅ អ៊ីស្លង់ ជាមួយ Phil Foden ទើបធ្វើឲ្យគេទទួលរងការរិះគន់ជាច្រើន។
ប៉ុន្តែនៅឆ្នាំនេះ Greenwood ត្រូវកោះហៅឲ្យចូលលេងនៅក្រុមជម្រើសជាតិអង់គ្លេសក្រោម២១ឆ្នាំសម្រាប់ការប្រកួត European Championship កាលពីខែមីនាកន្លងទៅ ប៉ុន្តែយ៉ាងណាមិញ សម្រាប់ក្រុមឈុតធំ គឺគ្មានមុខគេនៅក្នុងបញ្ជីកីឡាករត្រូវចូលលេងនៅវគ្គជម្រុះបាល់ទាត់ពិភពលោកឆ្នាំ២០២០ដែលធ្វើឡើងនៅចុងខែមីនានោះឡើយ។
ខណៈការប្រកួតព្រឹត្តិការណ៍បាល់ទាត់ទ្វីបអឺរ៉ុបឬហៅកាត់ថា Euro 2020 នេះ ជិតនឹងធ្វើឡើងនៅខែមិថុនាខាងមុខ លោក Hoddle គិតថា Southgate គួរតែកុំបំភ្លេច Greenwood ចោលឲ្យសោះដោយលោកបានថ្លែងប្រាប់ Premier League Production ថា៖
សម្រាប់ខ្ញុំ Greenwood គួរតែបានចូលលេងនៅក្រុមជម្រើសជាតិអង់គ្លេស បើទោះបីជាដាក់ឲ្យគេជាកីឡាករបម្រុងក៏ដោយ។ បើសិនអ្នកចង់ក្រុមស៊ុតបញ្ចូលទីនៅ Euro គឺគួរតែយកគេមកលេងព្រោះគេអាចបង្កើតឱកាសឲ្យខ្លួនឯង និងមិត្តរួមក្រុមដទៃនិងពូកែខាងបញ្ចប់ទីផងដែរ។ ហើយខ្ញុំគិតថាទោះគេអាចមិនជាប់ជម្រើស១១នាក់ដំបូង ប៉ុន្តែក្នុងករណីក្រុមចង់ឲ្យការលេងមានការផ្លាស់ប្ដូរដើម្បីរកជ័យជម្នះគឺគួរតែពឹងពាក់លើគេ៕
ប្រភព៖ metro
Bong I.T