មិនធម្មតា! ត្រឹម២សប្តាហ៍ បទ «Time To Rise» របស់ វណ្ណដា មានអ្នកចូលទស្សនាជិត១៦លានដង (មានវីដេអូ)

ភ្នំពេញ៖ កាលពី២សប្តាហ៍មុនតារាចម្រៀង Rap លោក វណ្ណដា បានចេញបទចម្រៀងមួយបទដែលមានចំណងជើងថា «Time To Rise» ដែលជាបទចម្រៀងបែប Rap ដោយមានរួមបញ្ចូលនូវភ្លេងបុរាណរបស់ខ្មែរគឺចាបុីដងវែង ដែលមានការចូលរួមពីសំណាក់ព្រឹត្តធាចារ្យលោកតា គង់ ណៃ ផងដែរក្នុងបទចំរៀងដែលកំពុងផ្ទុះខ្លាំងនេះ។

បទនេះផងដែរបាន​ធ្វើឲ្យ វណ្ណដា បំបែកកំណត់ត្រាធំមួយក្នុង Channel Youtube របស់ខ្លួនពោលគឺ «Time To Rise» គឺជាបទចម្រៀងដំបូងរបស់ខ្លួនដែលទទួលបានអ្នកចូលទស្សនារហូតដល់១លានដងក្នុងរយៈពេលត្រឹម២៤ម៉ោង ដែលនេះជាកំណត់ត្រាធំមួយផងដែរសម្រាប់ Channel Youtube របស់ វណ្ណដា ផ្ទាល់។

តែអ្វីដែលកាន់តែភ្ញាក់ផ្អើលទៀតនោះគឺចម្រៀងមួយបទនេះទទួលបានចំនួនអ្នកចូលទស្សនាយ៉ាងច្រើនត្រឹមរយៈពេល២សប្តាហ៍ ដោយមានចំនួន View រហូតដល់ 15,8 លានដង នៅលើ youtube ដែលជាចំនួន View ដ៏ច្រើនមួយក្នុងចំណោមបទចម្រៀងរបស់ វណ្ណដា ទាំងអស់នៅក្នុង Channel របស់ខ្លួនបើគិតត្រឹមរយៈពេលប្រហែលគ្នានេះ។

គួរឲ្យដឹងផងដែរថា បទចម្រៀង «Time To Rise» នេះមានការចូលរួម Featuring ពីសំណាក់ព្រឹត្តធាចារ្យចាបុីដងវែងរបស់យើង គឺលោកតា គង់ ណៃ ដែលធ្វើឲ្យចម្រៀងនេះកាន់តែទទួលបានប្រជាប្រិយភាពខ្លាំង បូករួមទាំង Music Video ដ៏គួរឲ្យទាក់ទាញទៀតនេះធ្វើឲ្យចម្រៀងមួយបទនេះនៅតែបន្តរផ្ទុះខ្លាំងនៅលើ Youtube ៕

ចង់ដឹងវីដេអូយ៉ាងណា សូមទស្សនាខាងក្រោមនេះ ៖