អាល្លឺម៉ង់៖ ខ្សែបម្រើប្រយុទ្ធក្លិប Bayern Munich កីឡាករ Thomas Muller បានលើកឡើងថា ក្រុមរបស់ខ្លួនត្រូវតែប្រយ័ត្នឲ្យមែនទែនចំពោះកីឡាករ Neymar និង Kylian Mbappe។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Muller និង Bayern Munich នឹងត្រូវមានភារកិច្ចសំខាន់នៅយប់នេះដោយត្រូវធ្វើដំណើរទៅកីឡដ្ឋាន Parc de Princes ដើម្បីប៉ះជាមួយ Paris Saint Germain ជាថ្មីក្នុងការប្រកួតជើងទីពីរវគ្គ៨ក្រុមចុងក្រោយនៃពានរង្វាន់ Champions League។
ប្រសិនបើយើងត្រឡប់ទៅក្រោយក្នុងការប្រកួតជើងទីមួយវិញ គឺ PSG បានយកឈ្នះ Bayern Munich ក្នុងលទ្ធផល ៣ទល់នឹង២ ដែលពេលនោះ Mbappe បានរួមចំណែកទាត់បញ្ចូលទីពីរគ្រាប់ រីឯ Neymar មិនបានរកគ្រាប់បាល់ឡើយ ប៉ុន្តែ រូបគេបានបញ្ជូនបាល់ឲ្យមិត្តរួមក្រុមស៊ុតបញ្ចូលទីពីរគ្រាប់ដូចគ្នា។
Muller បាននិយាយថា៖
Mbappe គឺ ពិតជាគ្រោះថ្នាក់ណាស់។ ជាមួយនឹងរបៀបលេងរបស់ពួកយើង កន្លែងជាច្រើនអាចនឹងទូលាយ ដូច្នេះខ្សែការពារយើងនឹងត្រូវមានភារកិច្ចសំខាន់ក្នុងការធ្វើការ។ សម្រាប់ PSG វិញ Mbappe និង Neymar ភាគច្រើនគាត់ឈរនៅក្នុងតំបន់ប្រយុទ្ធ មិនចុះមកជួយការពារឡើយ គឺ ពួកគេរកកន្លែងដែលគ្រោះថ្នាក់ត្រៀមសម្រាប់បានបាល់វាយបក។ អ្នកមិនអាចបិទពួកគេទាំងពីរឲ្យជាប់ពេញមួយការប្រកួតបានឡើយ៕
ប្រភព៖ mirror
Bong I.T