អង់គ្លេស៖ លោកគ្រូបង្វឹក Thomas Tuchel បាននិយាយថាគ្មានអ្នកណាចង់ឈ្លោះប្រកែកជាមួយកូនក្រុមបីនាក់របស់លោកគ្រូនោះគឺ ប្រធានក្រុម Cesar Azpilicueta, Antonio Rudiger និង Mateo Kovacic ឡើយព្រោះពួកគេប្រៀបដូចបងធំដែលមានចរិតចូលចិត្តការពារមិត្តរួមក្រុមទាំងអស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្លិបតោខៀវ Chelsea របស់លោកគ្រូត្រូវប្រកួតតទល់នឹង Porto នៅជើងទី២ វគ្គ៨ក្រុមពាន Champions League នៅយប់ថ្ងៃអង្គារវេលាម៉ោង២ទាបភ្លឺនេះហើយ ដោយកាលពីជើងទី១ Chelsea បានយកឈ្នះ ២ ទល់នឹង ០ Chelsea ។ ក្នុងនោះដែរ លោកគ្រូ Tuchel ឆ្លៀតបង្ហើបថា Chelsea មានកីឡាករបីនាក់ដែលហ៊ានចេញមុខការពារមិត្តរួមក្រុមបើសិនការប្រកួតប្រែក្លាយជាតានតឹង។
លោកគ្រូ Tuchel បានថ្លែងថា៖
ការពិតទៅ គ្មានអ្នកណាចង់ឈ្លោះប្រកែកជាមួយ Antonio Rudiger, Mateo Kovacic និង Cesar Azpilicueta ឡើយ។ សម្រាប់ខ្ញុំគឺគ្មានទេព្រោះពួកគេតែងតែត្រៀមខ្លួនរួចរាល់ក្នុងការចូលប្រយុទ្ធនិងការពារមិត្តរួមក្រុមដែលវាជាអ្វីដែលមានតាំងពីកំណើត។ ពួកគេជាកីឡាករដែលពួកយើងអាចពឹងពាក់បាន ។ សម្រាប់ខ្ញុំ ខ្ញុំគិតថាពេលខ្លះការប្រកួតវាតានតឹងពេកទើបកីឡាករក្នុងក្រុមព្យាយាមរកមើលមិត្តរួមក្រុមណាដែលអាចពឹងពាក់បាន ពួកយើងនឹងជួយគ្នាទៅវិញទៅមក។ ហើយពួកយើងនឹងព្យាយាមលេង៩០នាទីពេញឲ្យចេញលទ្ធផលល្អបំផុតដើម្បីសម្រេចគោលដៅធំមួយ។
ពេលនេះ Chelsea នៅសល់ពាន Champions League, FA Cup និង Premier League ប៉ុន្តែ ក្លិបគួរតែមិនអាចស្រវាយកពាន PL បានឡើយព្រោះកំពុងស្ថិតនៅលេខរៀងទី៥ មាន ៥៤ពិន្ទុក្នុងដៃ ចាញ់ក្រុមកំពូលតារាង Manchester City ដល់ទៅ២០ពិន្ទុ៕
ប្រភព៖ metro
Bong I.T