កូឡុំប៊ី៖ ក្លិបនៃលីគកំពូលកូឡុំប៊ី Rionegro Aguilas ត្រូវបង្ខំចិត្តចូលរួមប្រកួតទល់នឹងក្លិប Boyaca Chico ដោយមានកីឡាករត្រឹមតែប្រាំពីរនាក់បន្ទាប់ពីកីឡាករនៅក្នុងក្រុមមានវិជ្ជមានកូវីដ-១៩ ដល់ទៅ១៦នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ អ្វីដែលគួរឲ្យស្ញើចសរសើរនោះ គឺ ក្រុម Aguilas អាចទប់ទល់មិនឲ្យមានគ្រាប់បាល់កើតឡើងរហូតដល់ទៅ៥៧នាទី។ ការប្រកួតត្រូវបានផ្អាកបន្ទាប់ពីកីឡាកររបស់ Aguilas គឺ ខ្សែការពារ Giovanny Martinez បានរង់របួស និង មិនអាចបន្តការប្រកួតបាននៅក្នុងនាទី៧៩ ហើយ ក្រុមក៏តម្រូវឲ្យចាញ់ ៣ទល់នឹង០ ដោយសារមានចំនួនកីឡាករតិចពេកនៅលើទីលានពោលមានតែ ៦នាក់ប៉ុណ្ណោះ។
គួរបញ្ជាក់ដែរថា ក្រុម Aguilas ត្រូវបង្ខំចិត្តចូលរួមការប្រកួតទោះមានសមាជិកត្រឹម៧នាក់ក្តី គឺ ដើម្បីគេចពីការពិន័យរបស់សហព័ន្ធបាល់ទាត់កូឡុំប៊ីក្នុងការមិនចូលរួមការប្រកួត៕
ប្រភព៖ goal