Arsenal ត្រៀមជះលុយ ១៥លានផោនទិញយកខ្សែប្រយុទ្ធម្នាក់មកជំនួសកន្លែង Lacazette

បរទេស៖ យោងតាមរបាយការណ៍បានឱ្យដឹងថាក្រុមកាំភ្លើងធំ Arsenal កំពុងកំណត់យកខ្សែប្រយុទ្ធរបស់ក្រុម Celtic គឺកីឡាករ Odsonne Edouard ដើម្បីជំនួសកន្លែងដ៏មានសក្តានុពលរបស់ខ្សែប្រយុទ្ធ Alexandre Lacazette ។

កាលពីខែមុនប្រភពពត៌មានជាច្រើនបានអះអាងថា Leicester City ជឿជាក់ថាពួកគេបានឈ្នះការប្រជែងដើម្បីចុះហត្ថលេខាលើកីឡាករវ័យ ២៣ ឆ្នាំរូបនេះដោយមានកិច្ចព្រមព្រៀងក្នុងតម្លៃខ្លួន ១៥ លានផោនដែលជិតឈានដល់ការឱ្យព្រមព្រៀងជាមួយក្រុម Celtic ។

Arsenal បានឃ្លាំមើល Edouard អស់រយៈពេលជាងមួយឆ្នាំហើយ ហើយគាត់បានពិចារណាលើការផ្លាស់ប្តូរខ្សែប្រយុទ្ធម្នាក់នេះដែលនៅសល់តែមួយឆ្នាំទៀតលើកិច្ចសន្យារបស់គាត់ជាមួយ Celtic នៅរដូវក្តៅនេះ។

បើយោងតាមប្រភពពីកាសែត The Telegraph បានឲ្យដឹងថាក្លឹបកាំភ្លើងធំ Arsenal មិនបោះបង់ឡើយក្នុងការតាមទិញកីឡាកររូបនេះ ដើម្បីយកមកជំនួសដំណែងរបស់ម្ចាស់អាវលេខ៩ Lacazzette ដែលនៅសល់កុងត្រាជាមួយក្លឹបត្រឹមតែ១ឆ្នាំទៀតតែប៉ុណ្ណោះ៕