អេស្ប៉ាញ៖ យោងតាមការរាយការណ៍ ក្លិបអធិរាជស Real Madrid កំពុងតាមឃ្លាំមើល ខ្សែបម្រើ Jesse Lingard នៃក្លិបបិសាចក្រហម Manchester United ខណៈដែល Arsenal, Inter Milan និង PSG ក៏កំពុងតាមដាន Lingard ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ២៨ឆ្នាំរូបនេះកំពុងលេងខ្ចីជើងនៅ West Ham ដោយតាំងពីគេផ្ទេរមកទឹកដី London Stadium គឺហាក់បីដូចជាកាក់កបនិងឡើងជើងសម្បើមណាស់ដោយរកគ្រាប់បាល់បាន៨គ្រាប់ក្នុងការបង្ហាញខ្លួនចំនួ៩ ប្រកួតក្នុងក្របខណ្ឌ Premier League ទើបធ្វើឲ្យគេក្លាយជាតារាឆ្នើមទាក់ភ្នែកក្លិបធំៗនៅអឺរ៉ុបបែបនេះ។
West Ham ឯណោះវិញក៏ចង់ទិញ Lingard ផ្ដាច់ពី Man UTD ប៉ុន្តែបញ្ហាគឺក្នុងកុងត្រាខ្ចីជើងគឺ Man UTD មិនអនុញ្ញាតឲ្យ West Ham ទិញខ្សែបម្រើរូបនេះផ្ដាច់នោះឡើយ។
កុងត្រារបស់ Jesse Lingard ជាមួយ Man UTD នឹងអស់សុពុលភាពនៅមួយឆ្នាំបន្ទាប់ ប៉ុន្តែក្លិបអាចនឹងពិចារណាដាក់លក់គេបើសិនមានសំណើល្អៗ។
Real Madrid ដែលជាក្លិបម្ចាស់ពាន UCL ១៣សម័យកាលបានមើលឃើញសមត្ថភាពរបស់ Lingard និងចង់យកគេមកទឹកដីកីឡដ្ឋាន Santiago Bernabeu ប៉ុន្តែគេមិនទាន់ដឹងទេថា Man UTD នឹងដាក់តម្លៃខ្លួនកីឡាកររូបនេះចំនួនប៉ុន្មាន៕
ប្រភព៖ dailymail