កីឡាករខ្សែប្រយុទ្ធស្រួច Robert Lewandowski ដែលជាអ្នករកគ្រាប់បាល់បានច្រើនជាងគេរបស់ក្រុម Bayern Munich បានវិលត្រឡប់មកហ្វឹកហាត់វិញកាលពីថ្ងៃច័ន្ទបន្ទាប់ពីរងរបួសជង្គង់ ប៉ុន្តែក្លិប Bayern បានបញ្ជាក់ហើយថាខ្សែប្រយុទ្ធស្រួចរូបនេះនឹងមិនបានចូលប្រកួតវគ្គ ៨ ក្រុមចុងក្រោយ ជើងទី២នៃក្របខ័ណ្ឌ Champions League ទល់នឹង Paris Saint-Germain នោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្លឹប Bayern បានឲ្យដឹងច្បាស់ៗហើយថា Lewandowski មិនអាចចូលលេងបាននោះទេ សម្រាប់ការប្រកួតជើងទី២ទល់នឹង PSG ខណៈកាលពីជើងទី១ Bayern បានចាញ PSG ក្នុងលទ្ធផល ៣-២ ដែលខ្សែប្រយុទ្ធក្មេងរបស់ PSG កីឡាករ Kylian Mbappe ស៊ុទចូល២គ្រាប់ម្នាក់ឯងក្នុងប្រកួតនោះ។
បើតាមក្រុមគ្រូពេទ្យរបស់ក្លិប Bayern បានព្យាករណ៍ថាគាត់នឹងអវត្តមានរយៈពេល ៤ សប្តាហ៍ប៉ុន្តែខ្សែប្រយុទ្ធរូបនេះបានចូលរួមក្នុងការហ្វឹកហាត់នៅថ្ងៃច័ន្ទបាន ខណៈដែលក្រុម Bayern បានហ្វឹកហាត់អំឡុងពេលធ្លាក់ព្រិលនៅទីក្រុង Munich ។
គួរឲ្យដឹងផងដែរថាកីឡាករ Lewandowski រកបាន ៣៥ គ្រាប់ក្នុងរដូវកាលនេះធ្វើឱ្យរូបគេនៅសល់តែ ៥ គ្រាប់ទៀតប៉ុណ្ណោះដើម្បីតាមទាន់កំណត់ត្រាអតីតកីឡាករ Gerd Mueller ដែលជាកីឡាករដែលរកគ្រាប់បាល់បានច្រើនជាងគេបំផុតក្នុងលីគកំពូល Bundesliga ក្នុងអំឡុងឆ្នាំ ១៩៧១/៧២ ៕